Ігдрасіль
Ігдрасіль (стар.-сканд.: Yggdrasill) — сусветнае дрэва, вакол якога існуе ўсё астатняе ў скандынаўскай міфалогіі, цесна звязана з тэмамі жыцця і смерці[1].
Апісанне
[правіць | правіць зыходнік]Часта апісваецца ў выглядзе гіганцкага ясеня, на якім трымаецца ўвесь свет. Лічыцца, што вобраз такога сусветнага дрэва ў скандынаўскай міфалогіі цесна звязаны з падобнымі вобразамі ў іншых культурах і рэлігіях. Напрыклад, з дрэвам жыцця або дрэвам пазнання дабра і зла, якія раслі ў Эдэмскім садзе згодна з аўраамічнымі рэлігіямі — іўдаізмам, хрысціянствам, ісламам[1].
У германа-скандынаўскай міфалогіі Ігдрасіль разглядаецца як дрэва, якое злучае дзевяць светаў, сярод якіх падземны свет — Ніфльхейм, зямны — Мідгард і свет багоў — Асгард[1].
Ігдрасіль і Одзін
[правіць | правіць зыходнік]Паводле германа-скандынаўскіх міфаў, бог Одзін павесіўся на Ігдрасілі, каб спасцігнуць таямнічую мудрасць. Таксама лічыцца, што пасля Рагнароку — канца свету і апошняй бітвы багоў — Ігдрасіль стане крыніцай новага жыцця[1].
Гл. таксама
[правіць | правіць зыходнік]Крыніцы
[правіць | правіць зыходнік]- ↑ а б в г Yggdrasill | World Tree, Nine Realms, Norse Gods | Britannica (англ.). www.britannica.com. Праверана 1 чэрвеня 2025.