Ігнат Іосіфавіч Шыдлоўскі

Ігнат Іосіфавіч Шыдлоўскі
польск.: Ignacy Szydłowski
Дата нараджэння	1793
Месца нараджэння	Гайна, Беларусь
Дата смерці	28 лютага 1846(1846-02-28)
Месца смерці	Вільня, Віленскі павет, Віленская губерня, Расійская імперыя
Грамадзянства	Расійская імперыя
Род дзейнасці	паэт, перакладчык, выдавец, фалькларыст
Месца працы	Свіслацкая гімназія Tygodnik Wileński 1-я Віленская мужчынская гімназія Wizerunki i Roztrząsania Naukowe[d]
Альма-матар	Мінская мужчынская гімназія Віленскі ўніверсітэт
Член у	Таварыства шубраўцаў

Ігна́т Іо́сіфавіч Шыдло́ўскі (польск.: Ignacy Szydłowski; 1793, в. Гайна, Барысаўскі павет — 28 лютага 1846) — беларускі і польскі паэт, перакладчык, выдавец, фалькларыст.

Біяграфія

Нарадзіўся ў 1793 годзе ў вёсцы Гайна. Скончыў Мінскую гімназію і Віленскі ўніверсітэт. Быў членам таварыства шубраўцаў. Выкладаў у Свіслацкай і Віленскай гімназіях.

У 1818—1822 гадах — рэдактар часопіса «Tygodnik Wileński», у 1826—1828 гадах — віленскі цэнзар. У 1835—1843 гадах выдаваў часопіс «Wizerunki i roztrząsania naukowe» («Абразкі і навуковыя разгляды»).

Творчасць

Выдаў зборнік «Выбар розных жанраў паэзіі» (1818). Аўтар одаў «Шчасце і мір» (1812), «Да Яна Снядэцкага» (1819), «Гарадніца, ода, прысвечаная памяці Антона Тызенгаўза» (1820), «Дабрачыннасць» (1823), а таксама лірычнай сцэнкі «Агар у пустыні» (1830). Перакладаў на польскую мову творы Г. Дзяржавіна.

Фалькларыстыка

Ігнату Шыдлоўскаму прыпісваецца аўтарства артыкула «Вясельныя абрады вясковага простанароддзя ў Мінскай губерні Барысаўскім павеце Гаенскай парафіі, назіраныя ў 1800, 1801 і 1802 гадах з некаторымі песнямі і нотамі» (1819). Гэты матэрыял быў выкарыстаны ў працах Я. Тышкевіча, П. Шэйна, О. Кольберга, а таксама ўвайшоў у фальклорны зборнік «Вяселле» (1978).

Літаратура

• А. В. Мальдзіс. Шыдлоўскі Ігнат Іосіфавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 8. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).