Ігнацы Агінскі

Ігнацы Агінскі
Герб «Агінскі»
Вялікі абозны літоўскі 1729 — 1744
Папярэднік	Антоні Пацей
Пераемнік	Людвік Пацей
Надворны маршалак літоўскі 1744 — 1750
Папярэднік	Юзаф Сцыпіён
Пераемнік	Януш Аляксандр Сангушка
Вялікі маршалак літоўскі 1750 — 1768
Папярэднік	Павел Караль Сангушка
Пераемнік	Юзаф Сангушка
Кашталян віленскі 1768 — 1775
Папярэднік	Міхал Юзаф Масальскі
Пераемнік	Міхал Геранім Радзівіл
Нараджэнне	каля 1698
Смерць	26 лютага 1775(1775-02-26)[…] Гале, Магдэбургскае герцагства[d], Каралеўства Прусія
Род	Агінскія
Бацька	Марцыян Міхал Агінскі
Маці	Тэрэза з Бжастоўскіх
Жонка	Алена з Агінскіх
Узнагароды

Ігнацы Агінскі (каля 1698 — сакавік 1775) — дзяржаўны дзеяч Вялікага Княства Літоўскага. Вялікі абозны літоўскі (1729—1744), маршалак надворны (1744—1750) і вялікі літоўскі (1750—1768), кашталян віленскі (з 1768).

Быў старостам барысаўскім (з 1726) і браслаўскім (1728—1740).

Біяграфія

Паходзіў са старэйшай княжаскай лініі рода Агінскіх, сын Марцыяна Міхала і Тэрэзы з Бжастоўскіх.

Абіраўся паслом на соймы 1729, 1730, 1733, 1736, 1737. Маршалак Вярхоўнага Трыбуналу ў 1732.

Двойчы быў амбасадарам у Пецярбургу. Падтрымліваў Чартарыйскіх, у палітычнай дзейнасці арыентаваўся на Расійскую імперыю, за што Кацярына II захавала за ім права на маёнткі ва ўсходняй Беларусі.

Ажаніўся з Аленай, дачкой Казіміра Дамініка Агінскага, якая мела вялікі ўплыў пры двары расійскай імператрыцы Ганны Іванаўны. Нашчадкаў не пакінуў. Яго ўдава да 1792 валодала маёнткамі Бобр i Бялынічы.

Літаратура

• Грыцкевіч А. Агінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 203. — 688 с. — ISBN 985-11-0314-4 (т. 1), ISBN 985-11-0315-2.
• Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2.