Ігнацій Івіцкі

Ігнацій Івіцкі
польск.: Ignacy Iwicki
Дата нараджэння	31 ліпеня 1783(1783-07-31)
Месца нараджэння	Упіта[d], Упіцкі павет, Троцкае ваяводства, Вялікае Княства Літоўскае, Рэч Паспалітая
Дата смерці	3 лістапада 1823(1823-11-03) (40 гадоў)
Месца смерці	Косіў, Івана-Франкоўская вобласць
Грамадзянства	Рэч Паспалітая
Род дзейнасці	вучоны
Навуковая сфера	тэалогія, філасофія
Месца працы	Полацкая езуіцкая акадэмія Аршанскі езуіцкі калегіум Мсціслаўскі езуіцкі калегіум
Навуковае званне	прафесар

Ігнацій Івіцкі (31 ліпеня 1783 г., Упіта, Літва – 3 лістапада 1823 г., Косава (Гуцульшчына), Украіна) – педагог, прафесар Полацкай езуіцкай акадэміі, каталіцкі святар, езуіт.

У Таварыства Ісуса ўступіў 18 жніўня 1800 г. у Полацку, тамсама быў асвечаны на ксяндза 25 студзеня 1812 г. Доктар тэалогіі і магістар вольных навук Івіцкі спачатку выкладаў рыторыку ў езуіцкіх навучальных установах: у Оршы (1806-1808) і Мсціславе (1808-1809).

Пасля адкрыцця ў Полацку езуіцкай акадэміі выкладае там свецкую (1813-1814) і царкоўную рыторыку (1814-1819), а таксама лацінскую, французскую і польскую літаратуру і ўсеагульную гісторыю (1819-1820). (Змест асноўных курсаў, якія выкладаў І.Івіцкі падаецца Т.Б.Бліновай і Я.М.Гіжыцкім.) Быў адным з рэдактараў “Полацкага штомесячніка” і публікаваў у гэтым часопісе свае філасофскія працы.

Пасля выгнання езуітаў з Расійскай імперыі – святар у Бжозаве (польскае Падкарпацце) (1820-1821), Падкамені (Львоўшчына) (1821-1822) і Косаве (1822-1823).

Літаратура

• Блинова, Т.Б. Иезуиты в Беларуси. Роль иезуитов в организации образования и просвещения / Т.Б. Блинова. – Гродно : ГрГУ, 2002. – 427 с.
• Giżycki, J.M. Materyały do dziejów Akademii Połockiej i szkół odniej zależnych / J.M. Giżycki. – Kraków: Druk. W. Anczyca i spółki, 1905. – 288 s.
• Encyklopedia wiedzy o jezuitach na ziemiach Polski i Litwy 1564–1995 / оprac. L. Grzebień. – Kraków : Wyd-wo WAM, 1996. – 882 s.