Ізраільска-эмірацкі мірны дагавор
Ізраільска-эмірацкі мірны дагавор, таксама Абрагамскі дагавор[1], — дагавор аб нармалізацыі адносін паміж Дзяржавай Ізраіль і Аб’яднанымі Арабскімі Эміратамі, падпісаны 15 верасня 2020 года[2]. Аб заключэнні і падпісанні дамовы было абвешчана яшчэ 13 жніўня. Праз чатыры тыдні пасля гэтага было абвешчана, што падпісанне дамовы адбудзецца 15 верасня і будзе праходзіць на лужку перад Белым домам у Вашынгтоне[3]. У той жа дзень Ізраіль падпісаў мірны дагавор з Бахрэйнам[4].
ААЭ сталі трэцяй арабскай краінай пасля Егіпта (1979) і Іарданіі (1994), што падпісалі пагадненне з Ізраілем. Паралельна з гэтым, Ізраіль пагадзіўся замарозіць планы па анексіі часткі Заходняга Берага, які дэ-факта знаходзіцца пад кіраваннем Ізраіля з 1967 года.
Да падпісання гэтага пагаднення паміж дзвюма краінамі падтрымліваліся плённыя і цесныя, хоць і нефармальныя адносіны.
Зноскі
- ↑ Глава израильской делегации в ОАЭ: «Наш общий отец Авраам завещал нам этот путь», NEWSru.co.il
- ↑ Израиль подписал мирные соглашения с ОАЭ и Бахрейном, NEWSru.co.il
- ↑ Стала известна дата подписания мирного соглашения между Израилем и ОАЭ, NEWSru.co.il
- ↑ Трамп объявил об «историческом примирении» Израиля с еще одной арабской страной, Lenta.ru