Ілья Васілевіч Бранавец

З Вікіпедыі, свабоднай энцыклапедыі
Футбол
Ілья Бранавец
Поўнае імя Ілья Васілевіч Бранавец
Нарадзіўся 16 красавіка 1990(1990-04-16)[1] (33 гады)
Грамадзянства  Беларусь
Рост 188 см
Вага 90 кг[2]
Пазіцыя брамнік
Інфармацыя пра клуб
Клуб Беларусь Слуцк
Нумар 30
Клубная кар’ера[* 1]
2008— Беларусь Слуцк 76 (-94)
2014 →  Беларусь Хваля (Пінск) 9 (-17)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 студзеня 2022.

Ілья Бранавец (нар. 16 красавіка 1990, Слуцк) — беларускі футбаліст, брамнік клуба «Слуцк».

Клубная кар’ера[правіць | правіць зыходнік]

З 2008 года пачаў выступаць за клуб «Слуцкцукар» (пазней «Слуцк») у Другой лізе і прайшоў з ім шлях да Вышэйшай лігі. Спачатку быў адным з асноўных брамнікаў, потым стаў другім і трэцім брамнікам.

З 2014 года, пасля выхаду слуцкай каманды ў Вышэйшую лігу, стаў выступаць за дубль. У верасні 2014 года да канца сезона быў аддадзены ў арэнду ў пінскую «Хвалю»[3], дзе быў асноўным брамнікам, аднак не здолеў выратаваць каманду ад вылету ў Другую лігу.

У 2015 годзе вярнуўся ў «Слуцк» і зноў стаў гуляць за дубль. У 2016 годзе ў сувязі з траўмамі асноўных брамнікаў Артура Лясько і Канстанціна Рудзянка правёў пяць матчаў у Вышэйшай лізе, пасля чаго зноў стаў выступаць за дубль. У верасні 2018 года згуляў яшчэ ў трох матчах у Вышэйшай лізе. У снежні 2018 года падоўжыў кантракт са «Слуцкам»[4]. У сезоне 2019, як і ў папярэдніх, быў другім брамнікам пасля Барыса Панкратава, але пры гэтым стаў часцей прыцягвацца да стартавага складу. У снежні 2019 года падпісаў новае пагадненне са слуцкім клубам[5]. Заставаўся другім брамнікам у 2020 годзе, у канцы сезона выхадзіў у стартавым складзе. У студзені 2021 года стала вядома, што Бранавец застаецца ў слуцкай камандзе[6].

У пачатку сезона 2021 чаргаваўся ў аснове з Дзмітрыем Харытонавым, з лета саступіў месца ў складзе Арцёму Гамялько, з кастрычніка 2021 года вярнуўся ў стартавы склад. У студзені 2022 года падоўжыў кантракт са «Слуцкам»[7].

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2008 Д3 Слуцкцукар Беларусь 16 -19
2009 Д3 Слуцкцукар Беларусь 10 -10
2010 Д3 Слуцкцукар Беларусь 1 -0
2011 Д2 Слуцк Беларусь 5 -5
2012 Д2 Слуцк Беларусь 2 -0
2013 Д2 Слуцк Беларусь 2 -1
2014 (1) дубль Слуцк Беларусь 17 -19
2014 (2) Д2 Хваля Беларусь 9 -17
2015 дубль Слуцк Беларусь 18 -62
2016 Д1 Слуцк Беларусь 5 -10
2017 дубль Слуцк Беларусь 27 -58
2018 Д1 Слуцк Беларусь 3 -3
2019 Д1 Слуцк Беларусь 11 -18
2020 Д1 Слуцк Беларусь 9 -16
2021 Д1 Слуцк Беларусь 12 -12

Грамадзянская пазіцыя[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[8].

Зноскі

  1. ↑ Ilia Branovets // Transfermarkt — 2000. Праверана 9 кастрычніка 2017.
  2. ↑ http://sfc-slutsk.by/person/22
  3. ↑ Брановец на правах аренды перешел в «Волну»
  4. ↑ Не игравший с января 2017 года Бамба вернулся в "Слуцк", восемь игроков продлили контракты с клубом
  5. ↑ "Слуцк" продлил контракты с двумя вратарями
  6. ↑ Брановец продлил соглашение со "Слуцком"
  7. ↑ Брановец продлил контракт со "Слуцком"
  8. ↑ 93 беларускія футбалісты выступілі з асуджэннем гвалту ВІДЭА
Узята з "https://be.wikipedia.org/w/index.php?title=Ілья_Васілевіч_Бранавец&oldid=4019475"