Ілья Фёдаравіч Калпачук

З пляцоўкі Вікіпедыя
Jump to navigation Jump to search
Футбол
Ілья Калпачук
Поўнае імя Ілья Фёдаравіч Калпачук
Нарадзіўся 9 кастрычніка 1990(1990-10-09)[1] (30 гадоў)
Грамадзянства Flag of Belarus.svg Беларусь
Рост 184 см
Вага 77 кг
Пазіцыя абаронца
Інфармацыя пра клуб
Клуб Казахстан Жэтысу
Клубная кар’ера[* 1]
2007 Беларусь Дынама (Мінск) 0 (0)
2010—2011 Беларусь Дынама (Брэст) 5 (0)
2012—2013 Беларусь Хваля (Пінск) 52 (4)
2014 Беларусь Гомель 0 (0)
2014 →  Беларусь Граніт (Мікашэвічы) 26 (1)
2015—2017 Беларусь Гарадзея 30 (0)
2017 Літва Атлантас (Клайпеда) 13 (1)
2018 Літва Жальгірыс (Каўнас) 10 (1)
2019—2020 Беларусь Рух (Брэст) 42 (2)
2021— Казахстан Жэтысу (Талдыкарган)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 лютага 2021.

Ілья Калпачук (нар. 9 кастрычніка 1990, Бяроза) — беларускі футбаліст, абаронца казахстанскага клуба «Жэтысу» з Талдыкаргана.

Клубная кар’ера[правіць | правіць зыходнік]

Выхаванец бярозаўскай ДЮСШ, пачынаў кар’еру ў складзе дубля мінскага «Дынама». З 2010 года выступаў за брэсцкае «Дынама», гуляў пераважна за дубль, у Вышэйшай лізе правёў 5 матчаў. У 2012 стаў іграком пінскай «Хвалі». Здолеў замацавацца ў асноўным складзе пінчукоў, за два гады згуляў у 52 матчах, забіў 4 галы. У сезоне 2013 быў капітанам пінскай каманды.

У снежні 2013 года перайшоў у «Гомель»[2]. Аднак не здолеў замацавацца ў гомельскім клубе і ў сакавіку 2014 года на правах арэнды перайшоў у мікашэвіцкі «Граніт». У якасці іграка асновы дапамог «Граніту» перамагчы ў Першай лізе. Па заканчэнні тэрміну арэнды ў снежні 2014 года вярнуўся ў «Гомель»[3].

У лютым 2015 года, пакінуўшы «Гомель», перайшоў у «Гарадзею»[4]. У снежні 2015 года падоўжыў кантракт з «Гарадзеяй» на наступны сезон[5], але на полі ў сезоне 2016 з’яўляўся рэдка.

У першай палове сезону 2017 не з’яўляўся на полі ў асноўнай камандзе «Гарадзеі», выступаў толькі за дубль. У ліпені 2017 года перайшоў у літоўскі клуб «Атлантас» з Клайпеды[6], пакінуў яго па заканчэнні сезону 2017.

У першай палове 2018 года не гуляў, аднаўляючыся ад траўмы. У жніўні 2018 года далучыўся да іншага літоўскага клуба — «Жальгірыс» з Каўнаса.

У снежні 2018 года вярнуўся ў Беларусь, стаўшы іграком брэсцкага «Руха»[7]. Замацаваўся ў стартавым складзе каманды, дапамог ёй выйсці ў Вышэйшую лігу. У першай палове 2020 года заставаўся іграком асновы, са жніўня стаў радзей з’яўляцца на полі. У студзені 2021 года пакінуў «Рух»[8].

У лютым 2021 года падпісаў кантракт з казахстанскім клубам «Жэтысу»[9].

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2007 дубль Дынама (Мінск) Беларусь 10 0
2010 Д1 Дынама (Брэст) Беларусь 3 0
2011 Д1 Дынама (Брэст) Беларусь 2 0
2012 Д2 Хваля Беларусь 24 3
2013 Д2 Хваля Беларусь 28 1
2014 Д2 Граніт Беларусь 26 1
2015 Д2 Гарадзея Беларусь 24 0
2016 Д1 Гарадзея Беларусь 6 0
2017 (1) дубль Гарадзея Беларусь 8 0
2017 (2) Д1 Атлантас Літва 13 1
2018 (2) Д1 Жальгірыс Літва 10 1
2019 Д2 Рух Беларусь 22 1
2020 Д1 Рух Беларусь 20 1

Грамадзянская пазіцыя[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[10].

Зноскі

  1. ↑ Ilia Kolpachuk // Transfermarkt — 2000. Праверана 9 кастрычніка 2017.
  2. ↑ Футбол. Илья Колпачук стал игроком "Гомеля"
  3. ↑ Илья Колпачук покинул "Гранит"
  4. ↑ Илья Колпачук перешел в "Городею"
  5. ↑ "Городея" подписала Артема Гомелько и продлила контракты с семью игроками
  6. ↑ Колядко и Колпачук покинули "Городею" и перешли в "Атлантас", Тупчий вернулся в "Днепр"
  7. ↑ Колпачук и Аснин стали игроками "Руха"
  8. ↑ Футбол. Илья Колпачук покинул брестский "Рух"
  9. ↑ Колпачук стал игроком "Жетысу"
  10. ↑ 93 беларускія футбалісты выступілі з асуджэннем гвалту ВІДЭА
Узята з "https://be.wikipedia.org/w/index.php?title=Ілья_Фёдаравіч_Калпачук&oldid=3794585"