Перайсці да зместу

Інстытут жылля — НДПТІБ імя Атаева С. С.

Дадаць спасылкі
З Вікіпедыі, свабоднай энцыклапедыі
Інстытут жылля — НДПТІБ імя Атаева С. С.
Дата заснавання 1 мая 1972
Тып Навукова-даследчы інстытут
Рэспубліканскае ўнітарнае прадпрыемства
Дырэктар Уладзімір Міхайлавіч Чык
Супрацоўнікі >200
Дактары навук 4
Кандыдаты навук 14
Аспірантура ёсць
Размяшчэнне  Беларусь: Мінск
Юрыдычны адрас вул. Ф. Скарыны, 15
Сайт niptis.by

Інстытут жылля — НДПТІБ імя Атаева С. С. (руск.: Институт жилища - НИПТИС им. Атаева С.С.; поўная назва — Інстытут жылля — Навукова-даследчы і праектна-тэхналагічны інстытут будаўніцтва імя С. С. Атаева) — вядучая навукова-даследчая і праектная арганізацыя ў будаўнічым комплексе Беларусі. З’яўляецца базавай арганізацыяй Міністэрства архітэктуры і будаўніцтва Рэспублікі Беларусь па навуковых даследаваннях і распрацоўцы ў сферы жыллёвага будаўніцтва і энергаэфектыўнасці.

Гісторыя

[правіць | правіць зыходнік]

Гісторыя ўстановы пачынаецца ў 1972 годзе. У адпаведнасці з Распараджэннем Савета Міністраў БССР ад 3 красавіка 1972 года, 1 мая таго ж года было створана Гаспадарчаразліковае канструктарска-тэхналагічнае бюро з вопытнай вытворчасцю пры Інстытуце будаўніцтва і архітэктуры Дзяржбуда БССР (КТБ з ВВ пры ІБіА)[1].

2 красавіка 1979 года на базе бюро быў заснаваны Беларускі навукова-даследчы і праектна-тэхналагічны інстытут арганізацыі і кіравання будаўніцтвам (БелНДІАКБ) Дзяржбуда БССР. Першым дырэктарам інстытута стаў Сяргей Сяргеевіч Атаеў[1].

У верасні 1987 года ў выніку рэарганізацыі структуры Дзяржбуда БССР БелНДІАКБ быў ліквідаваны, а на яго базе створаны Беларускі навукова-даследчы інстытут будаўніцтва і Праектнае канструктарска-тэхналагічнае бюро (ПКТБ), якія ўвайшлі ў склад навуковага праектна-тэхнічнага аб’яднання «Белбуднавука»[1].

У сакавіку 1991 года ПКТБ вылучылася ў самастойнае дзяржаўнае прадпрыемства. 1 сакавіка 1994 года яно было ператворана ў Навукова-даследчы і праектна-тэхналагічны інстытут будіндустрыі (НДПТІБ). Пазней арганізацыя некалькі разоў пераймяноўвалася і мяняла статус (у 1996, 2000 гадах). У ліпені 2007 года рашэннем Мінгарвыканкама прадпрыемству было прысвоена імя яго заснавальніка і першага дырэктара Сяргея Атаева. Сучасную назву — РУП «Інстытут жылля — НДПТІБ імя Атаева С. С.» — арганізацыя атрымала 28 ліпеня 2011 года[1].

Дзейнасць

[правіць | правіць зыходнік]

Інстытут выконвае поўны цыкл работ ад навуковых даследаванняў да праектавання і абследавання будынкаў. Асноўныя накірункі дзейнасці ўключаюць:

  • Навуковыя даследаванні і распрацоўка канструктыўна-тэхналагічных сістэм будынкаў.
  • Распрацоўка энергаэфектыўных інжынерных сістэм будынкаў.
  • Праектаванне і рэканструкцыя прадпрыемстваў індустрыяльнага домабудавання.
  • Комплексная рэканструкцыя і праекты ўстойлівага развіцця існуючай жылой забудовы.
  • Суправаджэнне галіновай праграмы «Энергазберажэнне» і навукова-тэхнічнай праграмы «Будаўнічыя матэрыялы і тэхналогіі»[1].
  • Энергааўдыт прадпрыемстваў будаўнічага комплексу, абследаванне будынкаў і збудаванняў[2].

Праекты

[правіць | правіць зыходнік]

Інстытут распрацаваў праекты мадэрнізацыі для буйнейшых домабудаўнічых камбінатаў Беларусі, у тым ліку Магілёўскага, Гомельскага, Віцебскага, Светлагорскага ДБК, завода КПД КУП «Брэстжылбуд», завода КПД ААТ «МАПІД». Ажыццяўлялася рэканструкцыя Завода эфектыўных прамысловых канструкцый[3].

Важным напрамкам з’яўляецца праектаванне энергаэфектыўных жылых дамоў. Інстытут рэалізоўваў пілотныя праекты па праграме ПРААН у Казахстане (г. Караганда)[3].

Структура

[правіць | правіць зыходнік]

У склад інстытута ўваходзяць 14 навукова-даследчых, праектна-тэхналагічных і інфармацыйных аддзелаў:

  • Навукова-даследчы выпрабавальны цэнтр (уключае лабараторыі будаўнічай акустыкі, сістэм уцяплення, энергаэфектыўных тэхналогій).
  • Аддзелы праектавання і рэканструкцыі будынкаў.
  • Аддзел абследавання і ўзмацнення будынкаў.
  • Міжнародны інфармацыйна-аналітычны цэнтр будкомплексу[4].
  • Аспірантура (спецыяльнасці: аўтаматызацыя, цеплазабеспячэнне, тэхналогія будаўніцтва)[5].

Пры інстытуце дзейнічае філіял у Рэспубліцы Казахстан і кафедра «Рэканструкцыя будынкаў і збудаванняў» будаўнічага факультэта БНТУ[6].

Кіраўніцтва

[правіць | правіць зыходнік]

Крыніцы

[правіць | правіць зыходнік]
  1. ↑ а б в г д Об институте (руск.). Інстытут жылля — НДПТІБ імя Атаева С. С.. Праверана 25 студзеня 2026.
  2. ↑ Обследование зданий, сооружений и предприятий стройиндустрии (руск.). Інстытут жылля — НДПТІБ імя Атаева С. С.. Праверана 25 студзеня 2026.
  3. ↑ а б Проектирование и реконструкция (руск.). Інстытут жылля — НДПТІБ імя Атаева С. С.. Праверана 25 студзеня 2026.
  4. ↑ Международный информационно-аналитический центр стройкомплекса (руск.). Інстытут жылля — НДПТІБ імя Атаева С. С.. Праверана 25 студзеня 2026.
  5. ↑ Аспирантура (руск.). Інстытут жылля — НДПТІБ імя Атаева С. С.. Праверана 25 студзеня 2026.
  6. ↑ Кафедра реконструкции зданий и сооружений (руск.). Інстытут жылля — НДПТІБ імя Атаева С. С.. Праверана 25 студзеня 2026.
  7. ↑ Руководство (руск.). Інстытут жылля — НДПТІБ імя Атаева С. С.. Праверана 25 студзеня 2026.

Спасылкі

[правіць | правіць зыходнік]
  • niptis.by — афіцыйны сайт Афіцыйны сайт інстытута
Узята з "https://be.wikipedia.org/w/index.php?title=Інстытут_жылля_—_НДПТІБ_імя_Атаева_С._С.&oldid=5087969"