Інстытут электрадынамікі НАН Украіны

Інстытут электрадынамікі Нацыянальнай акадэміі навук Украіны
Міжнародная назва	NASU Institute of Electrodynamics
Дата заснавання	1947
Дырэктар	Аляксандр Васілевіч Кірыленка
Юрыдычны адрас	Украіна, 03057 Кіеў, Берасцейскі праспект, 56
Сайт	ied.org.ua
Медыяфайлы на Вікісховішчы

Інстытут электрадынамікі НАН Украіны — навукова-даследчая ўстанова ў складзе Аддзялення энергетыкі і энергетычных тэхналогій Нацыянальнай акадэміі навук Украіны, займаецца навуковымі даследаваннямі ў галіне электратэхнікі, электраэнергетыкі і электрадынамічных працэсаў.

Гісторыя

У траўні 1947 г. рашэннем Савета Міністраў Украінскай ССР Інстытут энергетыкі АН УССР (створаны ў 1939 годзе ў г. Харкаў) быў рэарганізаваны ў два самастойных інстытута: Інстытут электратэхнікі і Інстытут цеплаэнергетыкі АН УССР. Да канца 1947 г. Інстытут электратэхнікі цалкам разгарнуў сваю працу ў г. Кіеве. З гэтага часу практычна і пачынаецца гісторыя інстытута электрадынамікі НАН Украіны, які атрымаў сваю сённяшнюю назву ў 1963 годзе.

У гэтым інстытуце пад кіраўніцтвам яго заснавальніка акадэміка Сяргея Лебедзева ў 1950 годзе была створана першая на еўразійскім кантыненце Малая электронная вылічальная машына (МЭВМ).

На аснове падраздзяленняў установы ў свой час былі заснаваныя:

• Вылічальны цэнтр АН УССР (цяпер — Інстытут кібернетыкі імя В. М. Глушкова НАН Украіны)
• Інстытут праблем мадэлявання ў энергетыцы імя Г. Я. Пухава НАН Украіны
• Інстытут агульнай энергетыкі НАН Украіны
• Інстытут узнаўляльнай энергетыкі НАН Украіны

Навуковыя школы

• стабілізацыя параметраў электраэнергіі, электрамагнітная сумяшчальнасць ў электрычных сістэмах, павышэнне якасці энергіі, эфектыўнага яе пераўтварэння і выкарыстання;
• высокаэфектыўныя электрамеханічныя сістэмы;
• кіраванне і інфармацыйныя тэхналогіі ў энергетыцы;
• комплексныя энергетычныя сістэмы з аднаўляльнымі крыніцамі энергіі;
• сістэмы стабілізаванага току;
• аптымальнае кіраванне электрамагнітнымі працэсамі ў шматфазных сістэмах з крыніцамі скажэнняў

Структура

• Аддзел пераўтварэння і стабілізацыі электрамагнітных працэсаў
• Аддзел стабілізацыі параметраў электрамагнітнай энергіі
• Аддзел мадэлявання электраэнергетычных аб’ектаў і сістэм
• Аддзел аўтаматызацыі электрычных сістэм
• Аддзел тэарэтычнай электратэхнікі і дыягностыкі электратэхнічнага абсталявання
• Аддзел аптымізацыі сістэм электразабеспячэння
• Аддзел транзістарных пераўтваральнікаў
• Аддзел электрасілкавання тэхналагічных сістэм

Спасылкі

• Сайт інстытута