Інцыдэнт Місімы

Інцыдэнт Місімы
Месца нападу	Ігітая, Токіа
Мэта нападу	Перагляд дзевятай артыкула Канстытуцыі Японіі аб адмове ад вядзення баявых дзеянняў і аднаўлення імператара Японіі ў правах вярхоўнага галоўнакамандуючага.
Дата	25 лістапада 1970 года
Забойцы	Таварыства шчыта
Арганізатары	Юкіа Місіма

Інцыдэнт Місімы (яп.: 三島事件) — спроба дзяржаўнага перавароту ў Японіі здзейснена 25 лістапада 1970 года пісьменнікам Юкіа Місімай і чатырма яго паплечнікамі.

Храналогія

• У канцы 1967 года пісьменнік Юкіа Місіма высунуў ідэю стварэння грамадзянскай арміі, якая павінна была дапамагаць Сілам самаабароны Японіі супрацьстояць «паўзучай агрэсіі» левых. Ён прапанаваў, каб добраахвотнікі з ліку студэнтаў і дробных службоўцаў прайшлі ваенную падрыхтоўку, каб у выпадку неабходнасці кожны з іх змог павесці за сабой у бой па 20 чалавек. У сакавіку 1968 года Місіма асабіста ўзначаліў першую групу з 23 чалавек, якія адправіліся на навучанне на базу Сіл самаабароны.
• 4 лістапада 1968 года Місіма склікаў прэс-канферэнцыю, на якой абвясціў пра стварэнне ваенізаванай арганізацыі «Таварыства шчыта». На яе сходках абмяркоўваліся розныя сцэнары дзеянняў. Паводле плана Місімы, калі левыя справакуюць гвалт, прэм’ер-міністр будзе вымушаны мабілізаваць Сілы самаабароны і «Таварыства шчыта». Таксама разглядаўся варыянт, пры якім «Таварыства шчыта» павінна было ўзначаліць штурм будынка парламента з удзелам Сіл самаабароны, каб запатрабаваць перагляду 9-й артыкула Канстытуцыі Японіі (аб адмове ад вядзення ваенных дзеянняў) і аднаўлення імператара Хірахіта ў якасці вярхоўнага галоўнакамандуючага.
• 25 лістапада 1970 года а 11 гадзіне раніцы Місіма з чатырма студэнтамі з «Таварыства шчыта» з’явіўся на базу Усходняй дывізіі Сіл самаабароны ў токійскім раёне Ітыгая. Калі начальніку штаба дывізіі генералу Кэнры Масіце паведамілі, што прыйшоў яму знаёмы Місіма, ён неадкладна загадаў прапусціць яго. Генерала не здзівіла, што Місіма прыйшоў у суправаджэнні ўзброеных самурайскімі мячамі маладых людзей, бо члены «Таварыства шчыта» мелі права знаходзіцца на ваенных аб’ектах з зброяй.
• Пасля гэтага Місіма і яго паплечнікі ўварваліся ў кабінет Масіты, прывязалі яго да крэсла і паранілі мячамі шасцярых афіцэраў, якія спрабавалі перашкодзіць. Персаналу, які сабраўся на шум, пад пагрозай забойства генерала былі прад’яўлены наступныя патрабаванні:
  • Да поўдня перад будынкам штаба павінна быць сабрана ўся Усходняя дывізія;
  • Садаты павінны без перашкод праслухаць прамову Місімы і яго паплечнікаў;
  • Членам «Таварыства шчыта», якія сабраліся ў зале Ітыгая Кайкан, павінны дазволіць уваход на базу;
  • Ніхто не павінен ўмешвацца ў падзеі да 13:10.
• На плацу перад штабам спешна сабралі 800 салдат 32-га палка. Місіма выйшаў на балкон, вывесіў палотнішчы з лозунгамі і пачаў прамову аб тым, што няма больш ганаровага абавязку, чым змяніць Канстытуцыю, каб яна не перашкаджала стварэнню магутнай арміі, годнай вялікай Японіі. Аднак салдаты сталі крычаць: «Лазь адтуль!», «Годзі гуляць у героя!», «Адпусці камандуючага!».
• Пасля гэтага Місіма вярнуўся ў кабінет генерала, сеў на падлогу тварам да балкона і здзейсніў сэпуку з дапамогай свайго паплечніка Марыты Масакацу. Затым Масакацу таксама скончыў жыццё самагубствам. Тры члены «Таварыства шчыта», якія засталіся, вызвалілі генерала Масіту і здаліся. Пазней іх прысудзілі да чатырох гадоў турмы кожнага.