Іосіф Трафімавіч Дацэнка
Іосіф Трафіамвіч Дацэнка | |
---|---|
Дата нараджэння | 15 лістапада 1916 |
Месца нараджэння | |
Дата смерці | 28 верасня 1943 (26 гадоў) |
Месца смерці | |
Месца пахавання |
|
Грамадзянства | |
Прыналежнасць | СССР |
Род войскаў | пагранічныя войскі |
Гады службы | 1937—1943 |
Званне |
|
Часць | 271-ы стралковы полк |
Камандаваў | камандзір роты |
Бітвы/войны | Вялікая Айчынная вайна |
Узнагароды і званні | |
Медыяфайлы на Вікісховішчы |
Іосіф Трафімавіч Дацеэнка (15 лістапада 1916, вёска Шляхавое, Кэгічыўскі раён, Харкаўская вобласць — 28 верасня 1943) — Герой Савецкага Саюза (1943).
Біяграфія[правіць | правіць зыходнік]
Нарадзіўся ў 1916 годзе ў сям’і селяніна. Скончыў школу ў роднай вёсцы. З цягам часу паступіў у заатэхнічнае вучылішча і працаваў на ферме ў в. Параскавея . У 1937 г. быў прызваны ў шэрагі Чырвонай Арміі. Камандзір роты 271-га стралковага палка 181-й стралковай дывізіі 13-й арміі Цэнтральнага фронту.
Вялікую Айчынную вайну Іосіф Дацэнка сустрэў начальнікам заставы 73-га Чырванасцяжнага пагранатрада ў Карэла-Фінскай ССР, ваяваў з гітлераўцамі на Рэбольскім кірунку. Пасля цяжкага ранення, якому папярэднічалі шмат лёгкіх, служыў начальнікам пагранзаставы «Новая» Бірабіджанскага пагранатрада.
Затым зноў быў накіраваны на фронт, вызначыўся ў многіх баях.
Байцы роты старшага лейтэнанта І. Дацэнка неаднаразова вызначаліся ў баях пад Сталінградам і на Курскай дузе, на подступах да Дзясны і Дняпра.
25 верасня 1943 г. яго падраздзяленне з дапамогай падручных сродкаў першым у дывізіі пераправілася праз р. Дняпро і захапіла плацдарм у раёне в. Бярозкі Брагінскага раёна Гомельскай вобласці.
28 верасня 1943 г. у час контратакі праціўніка І. Г Дацэнка даў каманду воінам прапусціць праз свае баявыя парадкі варожыя танкі, адсек ад іх пяхоту і знішчыў да двух узводаў фашыстаў.
У гэтым баі старшы лейтэнант Дацэнка быў смяротна паранены. За смелыя і рашучыя дзеянні, праяўленыя ў баі за дняпроўскі плацдарм, указам Прэзідыума Вярхоўнага Савета СССР ад 16 кастрычніка 1943 г. старэйшаму лейтэнанту Дацэнка Іосіфу Трафімавічу пасмяротна прысвоена званне Героя Савецкага Саюза.
Пахаваны герой-пагранічнік у Чарнігаве.
Памяць[правіць | правіць зыходнік]
- Імем Іосіфа Трафімавіча Дацэнка названая вуліца ў Чарнігаве, а таксама школа ў вёсцы Параскавея Кегічэўскага раёна Харкаўскай вобласці.
- Помнік герою ўсталяваны ў вёсцы Ліпкаватаўка Новавадаладажскага раёна Харкаўскай вобласці.
- Імя Іосіфа Трафімавіча Дацэнка прысвоена пагранічнай заставе Рэбольскага пагранічнага атрада (Карэлія) Паўночна-Заходняй пагранічнай акругі загадам КДБ СССР ад 28 снежня 1986 г. на падставе Пастановы Савета Міністраў Карэльскай АССР ад 26 снежня 1986 г.
Спасылкі[правіць | правіць зыходнік]
Іосіф Трафімавіч Дацэнка на сайце «Героі краіны»
- Нарадзіліся 15 лістапада
- Нарадзіліся ў 1916 годзе
- Нарадзіліся ў Канстанцінаградскім павеце
- Памерлі 28 верасня
- Памерлі ў 1943 годзе
- Памерлі ў Брагінскім раёне
- Пахаваныя ў Чарнігаве
- Асобы
- Старшыя лейтэнанты СССР
- Героі Савецкага Саюза
- Кавалеры ордэна Леніна
- Загінулі ў баях Вялікай Айчыннай вайны
- Нарадзіліся ў Харкаўскай вобласці