Ірвін Шоу

З Вікіпедыі, свабоднай энцыклапедыі
Ірвін Шоу
Irwin Shaw
Асабістыя звесткі
Імя пры нараджэнні Ірвін Гілберт Шамфараф
Дата нараджэння 27 лютага 1913(1913-02-27)[1][2][…]
Месца нараджэння
Дата смерці 16 мая 1984(1984-05-16)[1][2][…] (71 год)
Месца смерці
Грамадзянства ЗША
Альма-матар
Прафесійная дзейнасць
Род дзейнасці драматург, сцэнарыст, раманіст, пісьменнік, кінапрадзюсар
Гады творчасці 19481982
Мова твораў англійская
Прэміі
Лагатып Вікісховішча Медыяфайлы на Вікісховішчы

Ірвін Шоу (англ.: Irwin Shaw, сапр. Ірвін Гілберт Шамфараў; 27 лютага 1913, Нью-Ёрк, ЗША — 16 мая 1984) — амерыканскі пісьменнік, драматург, сцэнарыст.

Біяграфічныя звесткі[правіць | правіць зыходнік]

Скончыў Бруклінскі каледж (1934). Пачаў пісаць сцэнарыі для радыё ў 21 год. Пасля займаўся напісаннем кінасцэнарыяў, і нарэшце ў 1949 г. выйшаў яго першы раман — «Маладыя львы» (The Young Lions), заснаваны на ўласным досведзе часоў Другой сусветнай вайны. Раман меў вялікі поспех і пазней быў экранізаваны (у 1958). Пасля выдання другога рамана, які апісваў уздым макартызму ў ЗША, І. Шоу абвінавацілі ў прыналежнасці да камуністаў, а яго імя трапіла ў чорны спіс Галівуду. У 1951 І. Шоу з'ехаў у Еўропу, дзе пражыў да смерці. У Еўропе былі напісаныя не менш паспяховыя кнігі: «Люсі Краўн» (Lucy Crown, 1956), «Два тыдні ў другім горадзе» (Two Weeks in Another Town, 1960), «Багач, бядняк» (Rich Man, Poor Man; 1970).

Творчасць[правіць | правіць зыходнік]

У ранніх творах звяртаецца да тэмы фашызму, Другой сусветнай вайны, у пазнейшых — пасляваеннай амерыканскай і заходнееўрапейскай рэчаіснасці. Звяртаўся да праблем «амерыканскай мары» і «амерыканскай трагедыі», сям'і і грамадства, самасцвярджэння асобы і яе індывідуальнай адказнасці, лёсу мастацтва ва ўмовах камерцыялізацыі культуры.

Аўтар п'ес «Пахавайце мёртвых» (1936), «Простыя людзі» (1939), «Забойца» (1944), раманаў «Маладыя львы» (1948), «Трывожная атмасфера» (1950), «Вечар у Візантыі» (1973), «Хлеб па водах» (1981), «Успамін страты» (1982), дылогіі «Багач, бядняк» (1970) і «Жабрак, злодзей» (1977), кніг апавяданняў, публіцыстыкі, кінасцэнарыяў і інш. Яго творы адметныя займальнасцю інтрыгі, напружанасцю сюжэта, псіхалагізмам, дакладнасцю рэалій.

Прэміі і ўзнагароды[правіць | правіць зыходнік]

Двойчы лаўрэат прэміі О. Генры, якая ўручаецца за апавяданні.

Зноскі

  1. а б Irwin Shaw // Encyclopædia Britannica Праверана 9 кастрычніка 2017.
  2. а б Irwin Shaw // Internet Broadway Database — 2000. Праверана 9 кастрычніка 2017.
  3. Petillo F. Transport Group to Present Revival of Shaw's 'Bury the Dead' Starting 10/31 — 2008. Праверана 22 лютага 2022.
  4. Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.

Літаратура[правіць | правіць зыходнік]

  • Лявонава Е. Шоу // БЭ ў 18 т. Т. 17. Мн., 2003.

Спасылкі[правіць | правіць зыходнік]