Ірына Мікалаеўна Міхайлава

Ірына Мікалаеўна Міхайлава
Дата нараджэння	3 ліпеня 1940(1940-07-03) (84 гады)
Месца нараджэння	Алматы, Алмацінская вобласць, Казахская ССР, СССР
Грамадзянства	СССР  Беларусь
Альма-матар	БПІ (1963)
Месца працы	Белпрампраект Белкамунпраект БелНДІПгорадабудаўніцтва
Член у	Саюз архітэктараў СССР Беларускі саюз архітэктараў

Ірына Мікалаеўна Міхайлава (3 ліпеня 1940, Алма-Ата) — беларускі архітэктар.

Біяграфія

Скончыла Беларускі політэхнічны інстытут у 1963 годзе. Працавала ў Белпрампраекце, Белкамунпраекце, з 1976 года — галоўны архітэктар праектаў у БелНДІПгорадабудаўніцтва.

Член Саюза архітэктараў СССР з 1968 года. Пражывала ў Мінску.

Творчасць

Асноўныя працы: вытворчы корпус завода імя Арджанікідзэ (1968); у аўтарскім калектыве: рэканструкцыя былога касцёла пад Дом кіно (1973), адміністрацыйны корпус Савета Міністраў БССР (прыбудова да Дома ўрада) па вул. Савецкай, 9 (1976; сумесна з М. Н. Ліўшыцам, С. І. Федчанкам, Новікавым) у Мінску, інтэрнат Наваполацкага політэхнічнага інстытута (1980), комплексы піянерлагераў Гродзенскай і Гомельскай вобласці (1978—1983), забудова мікрараёнаў № 4 у Бабруйску і Поўнач-1 у Пінску (1979—1987).

Літаратура

• Михайлова Ирина Николаевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)