Ірына Мікалаеўна Савельева

З Вікіпедыі, свабоднай энцыклапедыі
Ірына Мікалаеўна Савельева
Дата нараджэння 3 кастрычніка 1931(1931-10-03)
Месца нараджэння
Дата смерці 19 жніўня 2020(2020-08-19) (88 гадоў)
Грамадзянства
Адукацыя
Прафесія балерына, тэатральны педагог
Тэатр
Узнагароды

Ірына Мікалаеўна Савельева (3 кастрычніка 1931, Санкт-Пецярбург — 19 жніўня 2020) — беларуская артыстка балета, педагог. Заслужаны артыст Таджыкскай ССР (1957), Народны артыст Беларускай ССР (1964).

Біяграфія[правіць | правіць зыходнік]

Скончыла ў 1951 годзе Ленінградскае харэаграфічнае вучылішча. 3 1951 года працавала ў Туркменскім, Чалябінскім, Куйбышаўскім тэатрах оперы і балета. У 1959—1972 гадах адна з вядучых танцоўшчыц Дзяржаўнага тэатра оперы і балета Беларусі. Адначасова з 1962 года (з перапынкамі) педагог Беларускага харэаграфічнага вучылішча, у 1971—1977 гадах — мастацкі кіраўнік.

Член Беларускага саюза тэатральных дзеячаў з 1951 года.

Творчасць[правіць | правіць зыходнік]

Яе мастацтва вызначалі светлы, аптымістычны настрой, сталая тэхніка, артыстызм. Сярод партый: Марыя («Мара» Я. Глебава), Анежка («Святло і цені» Г. Вагнера), Адэта — Адылія, Аўрора («Лебядзінае возера», «Спячая прыгажуня» П. Чайкоўскага), Кітры, Гамзаці («Дон Кіхот», «Баядэрка[ru]» Л. Мінкуса), Царэўна («Казка пра мёртвую царэўну» У. Дзешавова на тэмы А. Лядава), Джульета («Рамэа і Джульета» С. Пракоф’ева), Фрыгія («Спартак[ru]» А. Хачатурана). Сярод вучаніц Л. Бржазоўская, Н. Паўлава.

Літаратура[правіць | правіць зыходнік]

Спасылкі[правіць | правіць зыходнік]