Ірэна Шэвінская
Ірэна Шэвінская | |
---|---|
польск.: Irena Kirszenstein-Szewińska | |
![]() | |
Імя пры нараджэнні | польск.: Irena Kirszenstein |
Род дзейнасці | спрынтар, лёгкаатлетка, спартыўны функцыянер |
Дата нараджэння | 24 мая 1946[1][2][…] |
Месца нараджэння | |
Дата смерці | 29 чэрвеня 2018[4][5][…] (72 гады) |
Месца смерці | |
Месца пахавання | |
Грамадзянства | |
Муж | Sławomir Szewiński[d] |
Дзеці | Andrzej Szewiński[d] |
Альма-матар |
|
Член у | |
Узнагароды і прэміі | |
![]() |
Ірэна Шэвінская (выступала пад дзявочым прозвішчам Кіршэнштэйн, затым пад падвойным Кіршэнштэйн-Шэвінская (польск. Szewińska-Kirszenstein); 24 мая 1946, Ленінград — 29 чэрвеня 2018, Варшава, Польшча) — польская лёгкаатлетка, спецыялізавалася ў кароткім і доўгім спрынце, скачках у даўжыню. Трохразовая алімпійская чэмпіёнка і пяціразовая чэмпіёнка Еўропы. 4 разы прызнавалася лепшай спартсменкай Польшчы (сярод мужчын і жанчын) — 1965, 1966, 1974, 1976. Неаднаразова ўстанаўлівала сусветныя рэкорды ў бегу на розных дыстанцыях: 100 м — 11,1 с (1965); 200 м — 22,7 с (1965), 22,5 с (1968), 22,0 с (1974); 400 м — 49,9 з (1974). Уладальніца найбольшай колькасці ўзнагарод летніх чэмпіянатаў Еўропы па лёгкай атлетыцы сярод усіх спартсменаў (10).
Біяграфія
[правіць | правіць зыходнік]Яе бацька Якуб Густаў Кіршэнштэйн (1919—2002)[5], ураджэнец Варшавы, быў інжынерам-акустыкам, прафесарам Гётэбаргскага ўніверсітэта, аўтарам навуковых прац і манаграфій па акустыцы, шахматыстам; маці — Яўгенія Львоўна Рафальская (1922—1996) — паходзіла з Кіева. Бацькі пазнаёміліся ў эвакуацыі ў Самаркандзе.
У 1967 годзе выйшла замуж за лёгкаатлета Славаміра (Януша) Шэвінскага (нар. 1941). У 1981 годзе была ўключана ў Міжнародную яўрэйскую спартыўную залу славы.
Пасля заканчэння спартыўнай кар’еры Ірэна Шэвінская занялася навуковай дзейнасцю. Скончыла Варшаўскі ўніверсітэт і была ўдастоена ступені магістра эканомікі. Член МАК з 1998 года. Член выканкама ІААФ. Рэгулярна ўдзельнічала ў найбуйнейшых лёгкаатлетычных спаборніцтвах у якасці прадстаўніка ІААФ, у тым ліку ў цырымоніях узнагароджання.
Дзеючая рэкардсменка Польшчы на дыстанцыі 400 метраў (49,28 сек), дасягненне было ўстаноўлена ў пераможным фінале Алімпійскіх гульняў у Манрэалі 29 ліпеня 1976 года і трымаецца ўжо больш за 46 гадоў. На дыстанцыі 50 метраў у зачыненых памяшканнях валодала рэкордам Польшчы амаль 40 гадоў у 1972—2011 гадах (6,39 сек).
3 лістапада 2016 года ўзнагароджана японскім ордэнам Узыходзячага сонца 3-га класа.
У 2017 годзе ўвайшла ў спіс «8 самых вядомых жанчын Польшчы».
Сын — Анджэй Шэвінскі (нар. 1970), польскі валейбаліст і палітык.
Зноскі
- ↑ Irena Kirszenstein-Szewinska // Encyclopædia Britannica Праверана 9 кастрычніка 2017.
- ↑ Irena Kirszenstein-Szewinska // FemBio database Праверана 9 кастрычніка 2017.
- ↑ а б Olympedia — 2006.
- ↑ https://www.lequipe.fr/Athletisme/Actualites/Deces-d-irena-szewinska/917309
- ↑ http://www.sport.pl/lekkoatletyka/7,64989,23616031,irena-szewinska-nie-zyje.html Праверана 1 ліпеня 2018.
- Асобы
- Нарадзіліся 24 мая
- Нарадзіліся ў 1946 годзе
- Нарадзіліся ў Санкт-Пецярбургу
- Памерлі 29 чэрвеня
- Памерлі ў 2018 годзе
- Памерлі ў Варшаве
- Пахаваныя на Вайсковых Павонзках
- Выпускнікі Варшаўскага ўніверсітэта
- Члены МАК
- Кавалеры ордэна Узыходзячага сонца 3 класа
- Кавалеры ордэна Белага арла (Польшча)
- Узнагароджаныя Залатым Крыжам Заслугі
- Кавалеры Вялікага крыжа ордэна Адраджэння Польшчы
- Камандоры з зоркай ордэна Адраджэння Польшчы
- Камандоры ордэна Адраджэння Польшчы
- Афіцэры ордэна Адраджэння Польшчы