Ісмаіл Мустафавіч Александровіч

Ісмаіл Мустафавіч Александровіч
1-ы Муфтый Мусульманскага рэлігійнага аб’яднання ў Рэспубліцы Беларусь[d] 1994 — 2005
Пераемнік	Абу Бекір Шабановіч
Адукацыя	будаўнічы факультэт БНТУ (1953) БПІ (1953)
Дзейнасць	інжынер-праектыроўшчык будаўнічых канструкцый, муфтый, інжынер у цывільным будаўніцтве
Месца працы	Мусульманскае рэлігійнае аб'яднанне ў Рэспубліцы Беларусь[d] Праектна-канструктарска-тэхналагічнае бюро з доследнай вытворчасцю Мінпрамбуда БССР[d]
Нараджэнне	18 ліпеня 1929(1929-07-18) (93 гады) Клецк, Нясвіжскі павет, Навагрудскае ваяводства, Польская Рэспубліка
Узнагароды

Ісмаіл Мустафавіч Александровіч (нар. 18 ліпеня 1929, Клецк) — беларускі інжынер-будаўнік і мусульманскі дзеяч татарскай нацыянальнасці; старшыня праўлення Мусульманскага рэлігійнага аб'яднання ў Рэспубліцы Беларусь, з 1994 па 2005 муфтый.

Біяграфія

Нарадзіўся 18 ліпеня 1929 года ў Клецку Нясвіжскага павету Навагрудскага ваяводства Другой Польскай Рэспублікі. Паходзіў з татарскай мусульманскай сям’і. Бацька, Мустафа Юсуфавіч Александровіч, у 1939 годзе быў абраны імамам джамаата горада Клецка. Гэтую пасаду ён займаў да 1953 года, калі пад ціскам абставін быў вымушаны афіцыйна адмовіцца ад выканання абавязкаў імама. Ісмаіл Александровіч скончыў тры класы польскай школы, потым вучыўся ў рускай гімназіі. У 1953 годзе скончыў Беларускі дзяржаўны політэхнічны інстытут. У сям’і атрымаў ісламскую адукацыю. У 1954—1956 гадах працаваў майстрам будоўлі ў Магнітагорску, старшым начальнікам работ і галоўным інжынерам Упраўлення будаўніцтва Чэлябінскай вобласці РСФСР. У 1957—1961 гадах скончыў аспірантуру ў Акадэміі навук Беларускай ССР. У 1961—1986 гадах працаваў інжынерам, старшым інжынерам аб’яднання «Аргтэхбуд» у Мінску. У 1989 годзе выйшаў на пенсію .

У 1994 годзе на Першым з’ездзе мусульман Беларусі Ісмаіл Александровіч быў абраны муфтыем. Пераабіраўся на гэтую пасаду ў 1996 і 1998 гг. Быў старшынёй праўлення Мусульманскага рэлігійнага аб'яднання ў Рэспубліцы Беларусь. З 1990 годзе прымаў актыўны ўдзел у рабоце таварыства «Аль-Кітаб», падтрымліваў сувязі з татарамі, якія нарадзіліся на землях цяперашняй Беларусі і пражывалі ў Літве, Польшчы, ЗША і іншых краінах. На момант выбараў першага муфтыя ў Беларусі дзейнічала 11 мусульманскіх суполак і адна мячэць. Перад трэцім з’ездам у выніку яго дзеянняў і ініцыятыў колькасць абшчын павялічылася да 24, а мячэцяў — да 4.

Узнагароды

Узнагароджаны бронзавымі медалямі ВДНГ СССР (1969, 1974, 1978), медалямі «За доблесную працу» (1970), «За працоўную доблесць» (1974), «Ветэран працы» (1986) і інш.

Сям’я

Ісмаіл Александровіч жанаты, мае дзвюх дачок і трох унукаў. Яго старэйшы брат, Адам Александровіч, быў імамам суполкі беларускіх, літоўскіх і польскіх татараў у Нью-Ёрку.

Літаратура

• Centrum Naukowo-Analityczne «Białoruska Perspektywa»: Kto jest kim w Białorusi. Białystok: Podlaski Instytut Wydawniczy, 2000, s. 313, seria: Biblioteka Centrum Edukacji Obywatelskiej Polska — Białoruś. ISBN 83-913780-0-4.
• Кто есть кто в Беларуси’99. ― Москва, 1999
• Советская Белоруссия. — 1997. — 2 декабря; Голас Радзімы. — 1997. — 1 мая
• Белорусская деловая газета. — 1999. — 3 апреля; Имя. — 1998. — 3 сентября.