Іспанскі ваенны саюз

З Вікіпедыі, свабоднай энцыклапедыі

Іспанскі ваенны саюз, ІВС (ісп.: Unión Militar Española, UME) — паўлегальнае аб’яднанне кансерватыўна настроеных афіцэраў УС Іспанскай Рэспублікі. Падчас грамадзянскай вайны ў Іспаніі большасць членаў арганізацыі далучыліся да нацыяналістычных сіл.

Кіраўніцтва[правіць | правіць зыходнік]

ІВС быў заснаваны ў канцы 1933 года палкоўнікам Эміліа Радрыгесам Тардучы[1]. Тардучы, які быў прыхільнікам рэжыму Мігеля Прыма дэ Рыверы, аднадумцы палічылі занадта радыкальным, таму хутка яго замяніў капітан Барталамэ Барба Эрнандэс[2]. У кіраўніцтва арганізацыі ўвайшлі таксама Рыкарда Рада Пераль, Валянцін Галарса Марантэ, Луіс Арэдонда Акунья, Рафаэль Санчэс Сакрыстан і Гумерсінда дэ ла Гандара Марэла[3].

З 1935 года саюз узначальваў генерал Хасэ Санхурха, а пазней — Франсіска Франка і Мануэль Годэд.

Мэты[правіць | правіць зыходнік]

Сваёй мэтай ІВС паставіў «выратаванне Іспаніі», гэта значыць змену ўлады ў краіне шляхам ваеннага перавароту. Меркавалася зрынуць левы ўрад і ўсталяваць ваенную дыктатуру на чале з кансерватыўным афіцэрствам[4] альбо аднавіць манархію[5].

Склад[правіць | правіць зыходнік]

Да арганізацыі далучыліся манархісты, фалангісты і фашысты[5].

Дзейнасць[правіць | правіць зыходнік]

Група стварыла мноства ячэек у розных воінскіх падраздзяленнях, хоць яе ўплыў быў некалькі абмежаваным, паколькі да аб’яднання далучыліся толькі маладыя афіцэры нізкага рангу[2]. У лютым 1936 года, калі сталі вядомы вынікі парламенцкіх выбараў, арганізацыя паспрабавала сарваць перадачу ўлады левай кааліцыі «Народны фронт»[4]. Вясной яна склала «чорныя спісы» вядучых праўрадавых афіцэраў. Напярэдадні ліпеньскага путчу ІВС займаўся забойствамі левых вайскоўцаў[6].

Зноскі

  1. Paul Preston, p. 92
  2. а б Stanley G. Payne, p. 86
  3. Causa General, p. 3
  4. а б Шубин А. В. Великая испанская революция. — М.:URSS, Книжный дом «Либроком», 2011. — С. 79.
  5. а б Ranzato, p. 147.
  6. Paul Preston, p. 136

Літаратура[правіць | правіць зыходнік]

  • Ranzato, Gabriele (2014). El gran miedo de 1936. Cómo España se precipitó en la Guerra Civil [La grande paura del 1936: Come la Spagna precipitò nella Guerra Civile]. Madrid: La Esfera de los Libros. ISBN 978-84-9060-022-1.
  • Stanley G. Payne, Falange: A History of Spanish Fascism, 1961.
  • Paul Preston, The Politics of Revenge: Fascism and the Military in Twentieth-Century Spain, 1995.
  • Шубин А. В. Великая испанская революция. — М.:URSS, Книжный дом «Либроком», 2011.

Спасылкі[правіць | правіць зыходнік]

  • Busquets, Julio (1989). "Conservadurismo, republicanismo y antirrepublicanismo en las Fuerzas Armadas". Anales de Historia Contemporánea. 7. Murcia: Universidad de Murcia: 73–91. ISSN 0212-6559.