Ісідар Самуілавіч Бас

Ісідар Самуілавіч Бас
Дата нараджэння	9 (22) снежня 1913
Месца нараджэння	Віцебск, Віцебская губерня, Расійская імперыя
Дата смерці	21 студзеня 2013(2013-01-21) (99 гадоў)
Месца смерці	Нью-Ёрк, Нью-Ёрк, ЗША
Грамадзянства	Расійская імперыя  СССР  ЗША
Род дзейнасці	літаратуразнавец, літаратурны крытык, журналіст, выкладчык універсітэта
Навуковая сфера	літаратурная крытыка і літаратуразнаўства
Месца працы	Маладзечанскі дзяржаўны настаўніцкі інстытут Гродзенскі дзяржаўны ўніверсітэт імя Янкі Купалы Брэсцкі дзяржаўны ўніверсітэт імя А. С. Пушкіна Мінская вышэйшая партыйная школа Віцебскі рабочы СБ. Беларусь сегодня
Навуковае званне	дацэнт
Альма-матар	Камуністычны інстытут журналістыкі імя С. М. Кірава
Партыя	КПСС (1980)
Член у	Саюз пісьменнікаў СССР
Узнагароды

Ісідар (Ізраіль Самуілавіч) Самуілавіч Бас (22 снежня 1913, Віцебск — 21 студзеня 2013, Нью-Ёрк) — беларускі навуковец у галіне літаратуразнаўства, літаратурны крытык, педагог.

Біяграфія

Нарадзіўся ў сям'і рабочага-муляра. Бацька загінуў у час імперыялістычнай вайны. Маці — хатняя гаспадыня, загіінула ў Віцебску ў час Вялікай Айчыннай вайны. У 1928 годзе скогчыў школу– сямігодку, пайшоў працаваць вучнем слесара ў трамвайнае ўпраўленне. У 1929-32 гг. вучыўся на дзённым аддзяленні Віцебскага педагагічнага рабфака. З 1932 г. літсупрацоўнік абласной газеты «Віцебскі рабочы». У 1933-36 гг. студэнт Камуністычнага інстытута журналістыкі ў Мінску. У 1936 −37 гг. служыў у Чырвонай Арміі. З 1937 г. загадваў аддзелам савецкага будаўніцтва газеты «Советская Белоруссия». Падчас Вялікай Айчыннай вайны на Цэнтральным, Бранскім і іншых франтах быў адказным сакратаром дывізійнай газеты, інструктарам-літаратарам. З 1947 г. загадваў кафедрай літаратуры Маладзечанскага настаўніцкага інстытута. Пасля яго ліквідацыі (1953) працаваў старшым выкладчыкам кафедры рускай літаратуры Гродзенскага педінстытута, з 1954 старшым выкладчыкам Брэсцкага педінстытута. З 1958 дацэнт кафедры літаратуры і журналістыкі Мінскай вышэйшай партшколы. У канцы 1970-х выехаў за мяжу.

Творчасць

Першыя публікацыі І. Баса з'явіліся ў 1937 г. Аўтар літаратуразнаўчых кніг, у якіх на аснове архіўных матэрыялаў даследуюцца пытанні развіцця беларускай дакастрычніцкай літаратуры, узнаўляюцца невядомыя старонкі творчых біяграфій П. Багрыма, Ф. Багушэвіча, Я. Купалы, Я. Коласа, высвятляюцца абставіны стварэння «Энеіды навыварат» і «Тараса на Парнасе», а таксама разглядаюцца сувязі беларускай літаратуры з літаратурамі рускага, украінскага і польскага народаў. Шматлікія артыкулы і рэцэнзіі І. Баса друкаваліся ў зборніках перыядычных выданняў.

Літаратура

• Бас Ісідар (Ізраіль Самуілавіч) // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 337—338. — 10 000 экз. — ISBN 985-11-0035-8. — ISBN 985-11-0061-7 (т. 2).
• Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992. — Т. 1. Абуховіч — Ватацы. — С. 260. — 542 с.; іл.. — ISBN 5-85700-061-0.