Іван Іванавіч Пацяружа
| Іван Іванавіч Пацяружа | |
|---|---|
| Дата нараджэння | 1923 |
| Месца нараджэння | |
| Грамадзянства | |
| Род дзейнасці | юрыст |
| Месца працы | |
| Навуковая ступень | кандыдат юрыдычных навук |
| Узнагароды |
 |
.svg){kind=small}
Іван Іванавіч Пацяру́жа (нар. 1923, Жлобін, Гомельская вобласць) — беларускі юрыст. Кандыдат юрыдычных навук (1960). Удзельнік Вялікай Айчыннай вайны, партызан.
Біяграфія
[правіць | правіць зыходнік]Нарадзіўся ў 1923 годзе ў горадзе Жлобіне Гомельскай вобласці.
Падчас нямецкай акупацыі застаўся на акупаванай тэрыторыі. З лютага 1943 года — партызан, баец-падрыўнік 264-га атрада імя А. В. Суворава 10-й Журавіцкай партызанскай брыгады[1][2].
Пасля вызвалення, у снежні 1943 года, быў залічаны мінёрам-разведчыкам у 126-ы сапёрны батальён 120-й гвардзейскай стралковай дывізіі. У ноч на 15 красавіка 1944 года, падчас выканання задання па захопе «кантрольнага палоннага», разведгрупа трапіла на міннае поле, у выніку чаго трое байцоў загінулі, а двое былі паранены. І. І. Пацяружа абясшкодзіў 13 мін, вынес узоры мін і дэтанатараў, а таксама дапамог вынесці параненых і целы загінулых. За гэты подзвіг ён тады не быў узнагароджаны[2].
Зімой 1945 года атрымаў цяжкае раненне ў сцягно. У маі 1945 года, знаходзячыся ў шпіталі, быў прадстаўлены кіраўніцтвам шпіталя да ордэна Чырвонай Зоркі[2].
Пасля вайны стаў юрыстам. У 1960 годзе абараніў дысертацыю, атрымаўшы ступень кандыдата юрыдычных навук. У 1980-я гады працаваў навуковым супрацоўнікам у Інстытуце філасофіі і права Акадэміі навук БССР[3].
Аўтар і сааўтар некалькіх манаграфій, а таксама метадычных і вучэбных дапаможнікаў па юрыспрудэнцыі[2].
Крыніцы
[правіць | правіць зыходнік]- ↑ Потеружа Иван Иванович (руск.). partizany.by. Праверана 31 снежня 2025.
- ↑ а б в г Сапёр Потеружа (руск.). zihuatanexo.livejournal.com (9 лютага 2021). Праверана 31 снежня 2025.
- ↑ Потеружа, Иван Иванович (кандидат юридических наук). Зводны электронны каталог бібліятэк Беларусі. Праверана 31 снежня 2025.