Іосіф Абрамавіч Ражба
Іосіф Абрамавіч Ражба | |
---|---|
Дата нараджэння | 14 снежня 1907 |
Месца нараджэння | |
Дата смерці | 15 верасня 1995 (87 гадоў) |
Тэатр | |
Член у | |
Узнагароды |
Іосіф Абрамавіч Ражба́ (14 снежня 1907, Дніпро, Украіна — 15 верасня 1995) — беларускі акцёр. Заслужаны артыст Беларускай ССР (1955).
Біяграфія[правіць | правіць зыходнік]
Пасля сканчэння студыі Маскоўскага трама працаваў у Маскоўскім тэатры імя Ленінскага камсамола. У Вялікую Айчынную вайну ў рускай трупе Чувашскага тэатра драмы. З 1944 года ў Дзяржаўным рускім тэатры Беларусі.
Член Беларускага саюза тэатральных дзеячаў з 1947 года.
Творчасць[правіць | правіць зыходнік]
Выканаўца пераважна характарных роляў. Найбольш ярка рысы творчай індывідуальнасці выявіліся ў вобразах нацыянальнай драматургіі: Малышаў, Духонін («Брэсцкая крэпасць», «Галоўная стаўка» К. Губарэвіча), Багун, Мякішаў («Білет у мяккі вагон», «Пад адным небам» А. Маўзона), Фёдар Шупеня, Ніканаў («Трывога», «Соль» А. Петрашкевіча). Стварыў каларытныя вобразы і ў класічнай, сучаснай і замежнай драматургіі: Шалы («Узнятая цаліна» паводле М. Шолахава), Андрэй Жаркоў («З вечара да поўдня» В. Розава), Леўшын, Маўрыкій Манахаў, Данат («Ворагі », «Варвары», «Ягор Булычоў і іншыя » М. Горкага), Сілан і Бяссудны («Гарачае сэрца », «На бойкім месцы » А. Астроўскага), Луп Кляшнін («Цар Фёдар Іаанавіч» А. К. Талстога), Казарын («Маскарад » М. Лермантава), Яга і Глостэр («Атэла » і «Кароль Лір» У. Шэкспіра), Паўлет («Марыя Сцюарт» Ф. Шылера), Харнблаўэр («Мёртвая хватка» Дж. Голсуарсі) і інш.
Выступаў у радыёспектаклях.
Зноскі
Літаратура[правіць | правіць зыходнік]
- Бур’ян Б. I. Ражба Іосіф Абрамавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
Спасылкі[правіць | правіць зыходнік]
- Іосіф Абрамавіч Ражба на сайце Кино-театр.ру (руск.)
- Нарадзіліся 14 снежня
- Нарадзіліся ў 1907 годзе
- Нарадзіліся ў Днепрапятроўску
- Памерлі 15 верасня
- Памерлі ў 1995 годзе
- Постаці Нацыянальнага акадэмічнага драматычнага тэатра імя Максіма Горкага
- Члены Беларускага саюза тэатральных дзеячаў
- Заслужаныя артысты Беларускай ССР
- Асобы
- Акцёры Беларусі
- Акцёры XX стагоддзя
- Акцёры тэатра Беларусі