Іосіф Іосіфавіч Васілеўскі

Іосіф Іосіфавіч Васілеўскі
Асабістыя звесткі
Дата нараджэння	8 снежня 1911(1911-12-08)
Месца нараджэння	Данецк, Бахмуцкі павет[d], Кацярынаслаўская губерня, Расійская імперыя
Дата смерці	20 красавіка 1994(1994-04-20) (82 гады)
Месца смерці	Мінск, Беларусь
Грамадзянства	Расійская імперыя  СССР
Прафесійная дзейнасць
Род дзейнасці	паэт, перакладчык, акцёр, перакладчык
Мова твораў	руская

Іосіф Іосіфавіч Васілеўскі (25 лістапада (8 снежня) 1911, Данецк — 20 красавіка 1994) — рускі паэт.

Біяграфія

Нарадзіўся ў сям'і рабочага.

Скончыў аршанскія педагагічныя курсы ў 1930, тэатральна-драматычныя курсы ў Мінску ў 1932 годзе.

Працаваў акцёрам Віцебскага тэатра драмы, супрацоўнікам газеты «Ленінскі прызыў» у Оршы, акцёрам-байцом тэатра Беларускай ваеннай акругі, акцёрам тэатраў у Смаленску, Жытоміры, Бранску, Днепрадзяржынску, Ленінагорску, Усць-Каменагорску, Разані, Іжэўску, Калузе.

З 1967 года ў Мінску.

Творчасць

Друкаваўся з 1932 года. Аўтар зборнікаў вершаў, вершаваных кніг для дзяцей. Пераклаў на рускую мову творы многіх беларускіх паэтаў, у тым ліку Я. Купалы, Я. Коласа, П. Броўкі, М. Танка, А. Куляшова, П. Панчанкі і іншых.

Член Саюза пісьменнікаў СССР (1957).

Бібліяграфія

• Мой спутник Солнце. Минск, 1971;
• Чибис. М., 1973;
• Веселый поезд. Минск, 1977;
• Зимнее солнце. М., 1979;
• Продолжение. Минск, 1981;
• Призадумалась река. Минск, 1982;
• Безымянные острова. Минск, 1984;
• Снежные лебеди. Минск, 1987;
• Река времени. Минск, 1989

Узнагароды

Узнагароджаны медалямі СССР, Ганаровай граматай Прэзідыума ВС БССР.