Аб’яднанне беларускіх студэнцкіх арганізацый

Аб’яднанне беларускіх студэнцкіх арганізацый Заходняй Беларусі і эміграцыі ў Празе (АБСА) дзейнічала ў жніўні 1924 — верасні 1939.

Заснавана на канферэнцыі беларускіх студэнціх арганізацый. Устааноўчы з’езд адбыўся 29.6.1926. Дэклараваная мэта — «аб’яднанне ўсяго беларускага студэнцтва на грунце акадэмічнай самапомачы», прапаганда ідэі незалежнасці і непадзельнасці Беларусі.

У 1924 АБСА прынята ў склад Аб’яднання студэнцкіх эмігранцкіх арганізацый Усходняй Еўропы, 27.8.1926 — у Міжнародную студэнцкую канфедэрацыю (СІЕ). Выпускала бюлетэнь на французскай мове (з 1924) пра дзейнасць арганізацый беларускіх студэнтаў, становішча на Беларусі, супрацоўнічала ў перыядычных выданнях СІЕ. У 1930-я г. наладзіла сувязь з арганізацыямі беларускіх студэнтаў у Амерыцы, Германіі, Латвіі, Літве, шэрагу гарадоў Еўропы, у АБСА увайшлі Таварыства беларусазнаўства пры Віленскім універсітэце імя С. Баторыя (у Вільні працаваў аддзел прэзідыума АБСА на чале з С. Станкевічам), гурток беларускіх студэнтаў у Бруселі, Саюз беларускіх студэнтаў у Германіі. Старшыні: В. Жук-Грышкевіч, з 1926 М. Гузоўскі, з 1932 А. Вітушка. Спыніла дзёйнасць у сувязі з пачаткам II сусветнай вайны.

Літаратура

• Ю. Васілеўскі. Аб’яднанне беларускіх студэнцкіх арганізацый // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• С. Ёрш. Пражскае аб’яднанне беларускіх студэнцкіх арганізацый // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 10 000 экз. — ISBN 985-11-0141-9.