Перайсці да зместу

Абрам Ісакавіч Рабкін

Дадаць спасылкі
З Вікіпедыі, свабоднай энцыклапедыі
Абрам Ісакавіч Рабкін
Дата нараджэння 27 кастрычніка 1925(1925-10-27)
Месца нараджэння
Дата смерці 5 снежня 2013(2013-12-05) (88 гадоў)
Месца смерці
Грамадзянства
Род дзейнасці мастак
Вучоба
Мастацкі кірунак рэалізм
Вядомыя працы «Сапожнік старога Бабруйску», «Уніз па Шашэйнай»
Узнагароды
Заслужаны дзеяч мастацтваў РСФСР

Абрам Ісакавіч Рабкін (27 кастрычніка 1925, Бабруйск, БССР — 5 снежня 2013, Санкт-Пецярбург) — беларуска-расійскі мастак — жывапісец, пісьменнік. Заслужаны дзеяч мастацтваў РСФСР. Працаваў у станковым жывапісе.

Біяграфія

[правіць | правіць зыходнік]

Дзяцінства будучага мастака прайшло ў Бабруйску, у старым габрэйскім квартале. Сям’я жыла на вуліцы Шашэйнай, 44 (цяпер вуліца Бахарава). Браў урокі малявання ў Я. А. Ярмалкевіча. У чэрвені 1941 года, за дзень да акупацыі Бабруйска, разам з маці і сястрой Соняй быў эвакуіраваны з горада. Пасля быў мабілізаваны ў войска.

З 1946 па 1949 год вучыўся ў Ленінградзе ў сярэдняй мастацкай школе пры Інстытуце жывапісу, разьбярства і архітэктуры. Настаўнікамі яго былі І. А. Срэбраны, Б. С. Угараў. З 1949 па 1951 год займаўся ў Мастацкім вучылішчы імя В. А. Сярова. Застаўся жыць у Ленінградзе. Удзел у мастацкіх выстаўках браў з 1961 года[1]. У 1962 годзе ўступіў у Союз мастакоў Расіі.

У 1998 годзе ў Мінску была выдадзена кніга Абрама Рабкіна «Уніз па Шашэйнай».

У 2003 годзе была напісана аповесць пра першага настаўніка малявання Яўгена Аляксандравіча Ярмалкевіча «Усё пачыналася ў Бабруйску»

У 2013 годзе ў Бабруйску была выдадзена яшчэ адна кніга — «Вакол вайны», прэзентацыя якой прайшла ў лістападзе ў Бібліятэцы імя М. Горкага.

Меў у Бабруйску сваю творчую майстэрню на вуліцы Дзяржынскай. Напісаў больш за 400 карцін, прысвечаных роднаму гораду.

У 2016 годзе дачка мастака Вольга Рабкіна перадала Бабруйскаму мастацкаму музею творчую спадчыну бацькі: карціны, працоўныя матэрыялы, дакументы. Гэта дало магчымасць заняцца вывучэннем творчасці Рабкіна.[2]

Асноўныя тэмы творчасці: вайна і горад дзяцінства.[2]

Выстаўкі

[правіць | правіць зыходнік]
  • 1981 — «Горад майго дзяцінства», персанальная выстаўка ў Ленінградзе, прысвечаная Бабруйску.
  • 2000 — персанальная выстаўка ў Мінску. Аўтар прадмовы да каталогу выстаўкі — мастацтвазнаўца Ларыса Фінкельштэйн.
  • 2010 — «Я з пакалення вайны…», персанальная выстаўка ў Бабруйску, прысвечаная 85-годдзю мастака. Экспазіцыя была састаўлена з твораў, напісаных на фронце, пад час Вялікай Айчыннай вайны.
  • 2025 — «Абрам Рабкин. Город, в котором я остался», персанальная выстаўка ў Бабруйскім мастацкім музеі, прымеркаваная да 100-годдзя з дня нараджэння мастака.[3]

Зноскі

  1. ↑ Русская дореволюционная и советская живопись в собрании Национального художественного музея Республики Беларусь. — Минск: «Беларусь», 1997. — Т. 2. — С. 226. — 448 с. — 1 000 экз. — ISBN 985-01-0147-4.
  2. ↑ а б Генадзь Благуцін Горад, у якім я застаўся // Мастацтва. — 2025. — Снежань — № 12. — С. 14. — ISSN 0208-2551.
  3. ↑ События (руск.). artbobruisk.by. Праверана 9 студзеня 2026.

Літаратура

[правіць | правіць зыходнік]

Спасылкі

[правіць | правіць зыходнік]
Узята з "https://be.wikipedia.org/w/index.php?title=Абрам_Ісакавіч_Рабкін&oldid=5078344"