Абрам Давыдавіч Абкін

Абрам Абкін
Абрам Давыдавіч Абкін
Дата нараджэння	2 лютага 1903(1903-02-02)
Месца нараджэння	Полацк, Полацкі павет, Віцебская губерня, Расійская імперыя
Дата смерці	19 лютага 1983(1983-02-19) (80 гадоў)
Месца смерці	Масква, РСФСР, СССР
Грамадзянства	СССР
Род дзейнасці	хімік
Навуковая ступень	доктар хімічных навук
Альма-матар	Казанскі ўніверсітэт (1928)
Узнагароды

Абрам Давыдавіч Абкін (нар. 2 лютага 1903, Полацк — 12 лютага 1983) — фізікахімік. Доктар хімічных навук (1952), прафесар (1959). Заслужаны дзеяч навукі і тэхнікі РСФСР (1974).

Біяграфія

У 1928 годзе скончыў Казанскі ўніверсітэт. З 1928 года — у Маскоўскім фізіка-хімічным інстытуце імя Л. Я. Карпава.

Навуковая дзейнасць

Навуковыя працы пісаў на тэму даследавання працэсаў полімерызацыі арганічных злучэнняў. Адкрыў існаванне так званых «жывучых» палімераў, малекулы якіх пасля завяршэння полімерызацыі захоўваюць актыўныя цэнтры (1935). Распрацаваў колькасную тэорыю працэсаў суполімерызацыі (1951). Адкрыў і даследаваў механізм іоннай радыяцыйнай полімерызацыі (1959—1965), стварыў арыгінальны метад атрымання поліакрыламіду (1966—1970). Адкрыў існаванне нізкатэмпературнай мяжы скорасці хімічных рэакцый пры набліжэнні да абсалютнага нуля і фотасенсібілізаваную полімерызацыю (1980). У 1980 годзе А. Д. Абкіну прысвоена Ленінская прэмія.

Узнагароды

• Заслужаны дзеяч навукі і тэхнікі РСФСР (1974)
• Ленінская прэмія (1980)

Літаратура

• Касцюковіч М. М. Абкін Абрам Давыдавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — С. 327. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.

Спасылкі

• Абкін Абрам Давыдавіч // ДУ «Віцебская абласная бібліятэка імя У. І. Леніна»