Абрам Навумавіч Мельцэр

Абрам Навумавіч Мельцэр
Дата нараджэння	20 жніўня 1904(1904-08-20)
Месца нараджэння	Мінск, Мінскі павет, Мінская губерня, Расійская імперыя
Дата смерці	24 лістапада 1937(1937-11-24) (33 гады)
Месца смерці	Менск, БССР, СССР
Месца працы	БДПУ
Навуковае званне	дацэнт
Партыя	РКП(б)

Абрам Навумавіч Мельцэр (20 жніўня 1904, Мінск — 24 лістапада 1937, Менск) — беларускі вучоны, педагог.

Біяграфія

Нарадзіўся ў сям’і рабочага. Атрымаў вышэйшую адукацыю. У 1924 годзе ўступіў ва УКП(б). У пачатку 1930-х гадоў дацэнт кафедры філасофіі, потым (з 1934 да 27 жніўня 1936) дырэктар Беларускага дзяржаўнага вышэйшага педагагічнага інстытута. Арыштаваны 2 снежня 1936 года ў Мінску па адрасе: вул. Савецкая, д. 33, кв. 6. За сувязь з трацкістамі выключаны з УКП(б). Асуджаны пазасудовым органам НКУС 24 лістапада 1937 года як «актыўны член антысавецкай трацкісцка-шпіёнскай дыверсійнай арганізацыі» да вышэйшай меры пакарання з канфіскацыяй маёмасці. Расстраляны. Рэабілітаваны ваеннай калегіяй Вярхоўнага суда СССР 1 жніўня 1957 года. Асабовая справа М. № 10865-с захоўваецца ў архіве КДБ Беларусі.

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.