Перайсці да зместу

Аб’яднаны пераходны кабінет Беларусі

З Вікіпедыі, свабоднай энцыклапедыі
Аб’яднаны пераходны кабінет Беларусі
Выява лагатыпа
Агульная інфармацыя
Краіна
Юрысдыкцыя Беларусь
Дата стварэння 9 жніўня 2022
Штаб-кватэра
Сайт t.me/CabinetBelar… (бел.)

Аб’яднаны пераходны кабінет Беларусі — калектыўны выканаўчы орган дэмакратычных сіл Беларусі, створаны 9 жніўня 2022 года Святланай Ціханоўскай. У кабінет, які займаецца дзейнасцю ў эміграцыі з цэнтральным офісам у Вільнюсе (Літва), уваходзяць прадстаўнікі дэмакратычнага руху, бізнесу і сілавога блоку Беларусі, якія прызнаюць Ціханоўскую за нацыянальную лідарку краіны.

Перадумовы

[правіць | правіць зыходнік]

9 жніўня 2020 года ў Беларусі прайшлі прэзідэнцкія выбары, вынікі якіх не былі прызнаныя вялікай часткай насельніцтва, у выніку чаго распачаліся самыя масавыя пратэсты ў гісторыі краіны. Пратэстоўцы, а таксама ўсе краіны ЕС і ЗША прызналі Святлану Ціханоўскую пераможцай выбараў і нацыянальнай лідаркай. У эміграцыі вакол Офіса Святланы Ціханоўскай былі створаныя шматлікія дэмакратычныя структуры, якія, аднак, не мелі агульнага каардынацыйнага органа. Тым часам у Беларусі ўвесну 2021 года масавыя акцыі пратэсту былі задушаныя шырокамаштабнымі рэпрэсіямі рэжыму Лукашэнкі пры падтрымцы Расіі.

24 лютага 2022 года Расія пачала ўварванне на тэрыторыю Украіны, у тым ліку з тэрыторыі Беларусі. У той жа дзень Святлана Ціханоўская абвясціла пра намер стварэння пераходнага кабінета ў якасці нацыянальнага органа Беларусі. Свой намер яна патлумачыла тым, што Аляксандра Лукашэнку больш нельга лічыць гарантам незалежнасці і тэрытарыяльнай цэльнасці Беларусі[1].

Дзейнасць

[правіць | правіць зыходнік]

Аб’яднаны пераходны кабінет Беларусі быў створаны 9 жніўня 2022 года на канферэнцыі «Новая Беларусь», якая праходзіла ў Вільнюсе на другую гадавіну пачатку масавых пратэстаў пасля прэзідэнцкіх выбараў. Адразу па абвяшчэнні пра стварэнне кабінета Святлана Ціханоўская прызначыла прадстаўнікоў кабінета. Імі сталі Павел Латушка, Аляксандр Азараў, Валерый Кавалеўскі і Валерый Сахашчык. Было заяўлена, што кабінет яшчэ будзе пашырацца і ўключыць у сябе прадстаўніцтвы па сацыяльнай палітыцы, эканоміцы і фінансах і нацыянальным адраджэнні. 7 верасня 2022 года ад імя кабінета была выдадзена першая пастанова, у ёй прыярытэтнай задачай арганізацыі аб’явілі аднаўленне і абарону суверэнітэту краіны. 9 верасня 2022 года прэс-служба арганізацыі паведаміла пра новага прадстаўніка кабінета па пытаннях фінансаў і эканомікі, ім стала прадпрымальніца і заснавальніца кампаніі «Laava Tech» Таццяна Зарэцкая  (англ.) (бел.. 16 верасня стала вядома, што прадстаўніком па пытанні нацыянальнага адраджэння прызначаная гісторык і экс-тэлевядучая тэлеканала «Белсат» Аліна Коўшык.

11 лютага 2023 года Аб’яднаны пераходны кабінет Беларусі зацвердзіў узнагароду Медаль «Гонар і Годнасць» за выключную адданасць у служэнні Беларусі[2].

6 жніўня 2023 года ў адказ на запыт беларусаў-эмігрантаў, якія сутыкнуліся з праблемай заканчэння тэрміну дзеяння пашпартаў, кабінет прэзентаваў праект праязнога дакумента, які будуць выдаваць без удзелу афіцыйных органаў Беларусі. У АПК падкрэслілі, што альтэрнатыўны беларускі пашпарт — не замена для нацыянальнай візы, аднак працэс легалізацыі ў дзяржавах, якія прызналі дакумент, перастане быць праблемай у выпадках непрыдатнасці або страты ранейшага дакумента[3].

Прадстаўнікі

[правіць | правіць зыходнік]
Пасада 2022/2023 2023/2024 2024/2025 2025/2026
Транзіт улады Павел Латушка[4] Павел Латушка Павел Латушка Павел Латушка
Аднаўленне правапарадку Аляксандр Азараў[4] вакантна вакантна вакантна
Міжнароднае супрацоўніцтва Валерый Кавалеўскі[4] Валерый Кавалеўскі Уладзімір Астапенка[5] Уладзімір Астапенка
Абарона і нацыянальная бяспека Валерый Сахашчык[4] Валерый Сахашчык Вадзім Кабанчук[5] Вадзім Кабанчук
Финансы и экономика Таццяна Зарэцкая[en][6] (да 02.11.22)[7] вакантна вакантна Аліса Рыжычэнка[8]
Нацыянальнае адраджэнне Аліна Коўшык[9] Аліна Коўшык Аліна Коўшык (да 16.11.24)[10] Павел Баркоўскі[8]
Сацыяльная палітыка Вольга Гарбунова[en][11] (ад 26.12.22) Вольга Гарбунова[en] Вольга Гарбунова[en] (да 16.09.24)[12] Вольга Зазулінская[13]
Моладзь і студэнцтва не заснавана не заснавана Маргарыта Ворыхава[5] Маргарыта Ворыхава

Рэакцыя рэжыму Лукашэнкі

[правіць | правіць зыходнік]

30 жніўня 2022 года КДБ Рэспублікі Беларусь прызнаў Аб’яднаны пераходны кабінет экстрэмісцкім фарміраваннем. 5 верасня орган быў унесены ў адпаведны спіс[14].

У канцы 2022 года Telegram-канал кабінета прызналі экстрэмісцкім матэрыялам у Беларусі[15].

У ліпені 2025 года Вярхоўны Суд Рэспублікі Беларусь па хадайніцтве генеральнага пракурора Андрэя Шведа прызнаў Аб'яднаны пераходны кабінет тэрарыстычнай арганізацыяй[16].

Крыніцы

[правіць | правіць зыходнік]
  1. ↑ Уварванне Расіі ва Украіну: паветраная трывога, ракеты з РБ і Ціханоўская-лідар (руск.)(недаступная спасылка). euroradio.fm (24 лютага 2022). Архівавана з першакрыніцы 23 верасня 2022.
  2. ↑ Серабрыстая «Пагоня» ў лаўровым вянку: Кабінет зацвердзіў узнагароду за выключную адданасць у служэнні Беларусі . Наша Ніва. Праверана 9 жніўня 2023.
  3. ↑ Падчас канферэнцыі «Новая Беларусь» прэзентавалі альтэрнатыўны беларускі пашпарт. belsat.eu. Праверана 9 жніўня 2023.
  4. ↑ а б в г Светлана Тихановская объявила о создании Объединенного переходного кабинета — «коллективного исполнительного органа» (руск.). Зеркало (9 жніўня 2022). Праверана 27 жніўня 2025.
  5. ↑ а б в Кабанчук стал представителем ОПК по обороне, Астапенко — по международному сотрудничеству (дополнено) (руск.). Pozirk (3 жніўня 2024). Архівавана з першакрыніцы 8 кастрычніка 2024. Праверана 24 кастрычніка 2024.
  6. ↑ Основательница стартапа Laava Tech Зарецкая стала представительницей Объединенного переходного кабинета по финансам и экономике (руск.). Зеркало (9 верасня 2022). Праверана 27 жніўня 2025.
  7. ↑ Предпринимательница из списка Forbes Татьяна Зарецкая ушла из Объединенного переходного кабинета (руск.). Зеркало (2 лістапада 2022). Праверана 27 жніўня 2025.
  8. ↑ а б Новыя прызначэнні ў Аб’яднаным пераходным кабінеце . Наша Ніва (10 жніўня 2025). Праверана 25 жніўня 2025.
  9. ↑ Алина Ковшик стала представительницей Объединенного переходного кабинета по национальному возрождению (руск.)(недаступная спасылка). Белсат (16 верасня 2022). Архівавана з першакрыніцы 20 верасня 2022. Праверана 17 верасня 2022.
  10. ↑ Аліна Коўшык пакідае Каардынацыйную раду . Наша Ніва (16 лістапада 2024). Архівавана з першакрыніцы 19 снежня 2024. Праверана 17 снежня 2024.
  11. ↑ Бывшая политзаключённая Ольга Горбунова стала представительницей Объединенного Переходного Кабинета по социальным вопросам (руск.). МотолькоПомоги (26 снежня 2022). Архівавана з першакрыніцы 8 кастрычніка 2024. Праверана 24 кастрычніка 2024.
  12. ↑ Шавель, Роман. Ольга Горбунова покидает Объединенный переходный кабинет (руск.). Белсат (16 верасня 2024). Архівавана з першакрыніцы 26 кастрычніка 2024. Праверана 24 кастрычніка 2024.
  13. ↑ Тихановская выдвинула кандидатку на должность представительницы по социальной политике ОПК вместо ушедшей Горбуновой (руск.). Зеркало (19 верасня 2024). Праверана 25 жніўня 2025.
  14. ↑ В Беларуси признали "экстремистским формированием" созданный Светланой Тихановской Объединенный переходный кабинет (руск.). Настоящее Время (8 верасня 2022). Праверана 11 верасня 2022.
  15. ↑ Республиканский список экстремистских материалов (руск.). www.sb.by (1 жніўня 2023). Праверана 9 жніўня 2023.
  16. ↑ Объединенный переходный кабинет признали «террористической организацией» в Беларуси (руск.). Reform.news.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Аб’яднаны_пераходны_кабінет_Беларусі&oldid=5028233"