Дарава

Аграгарадок Дарава Касцёл Унебаўзяцця Найсв. Дзевы Марыі Краіна Беларусь Вобласць Брэсцкая Раён Ляхавіцкі Сельсавет Конькаўскі Каардынаты 53°06′31″ пн. ш. 26°10′04″ у. д. Насельніцтва ▼25 чал. (2019) Часавы пояс UTC+3 Тэлефонны код +375 1633 Паштовы індэкс 225378 Аўтамабільны код 1 СААТА 1250885021 Дарава на карце Беларусі ±

Дарава на Вікісховішчы

Да́рава (трансліт.: Darava, руск.: Дарово) — аграгарадок у Ляхавіцкім раёне Брэсцкай вобласці. Уваходзіць у склад Конькаўскага сельсавета.

Гісторыя

Вядома, што навагарадскі намеснік Петраш Манцігірдавіч, які займаў гэту пасаду з 1430 па 1434 даў грошы на пабудову першага драўлянага касцёла ў Дарава. Храм збудавалі ў 1440 на высокім беразе па-над Шчарай, дзе знаходзіцца сучасны касцёл.

У Дарава на старых могілках насупраць касцёла пахаваны вядомы польска-беларускі асветнік, філосаф, пісьменнік Фларыян Бохвіц. Магіла разрабаваная пасля 1945-га. Помнік з надпісам Twoj przyklad niech nam pokazuje drogi prawdy не знойдзены. У 2003 годзе магіла знішчана і ў той самы год на ёй з’явіліся новыя пахаванні. Побач знаходзяцца магілы іншых Бохвіцаў.

Каля вёскі пад час Першай сусветнай вайны 1915—1918 размяшчалася лінія фронту. У 1916 годзе адбывалася Скробава-Гарадзішчанская аперацыя. Большасць будынкаў і касцёл былі знішчаны.

Новы пробашч Станіслаў Шаплевіч узяўся за адбудову храму. У 1933—1938 бетонныя нямецкія бліндажы побач з вёскаю былі разабраны мясцовымі жыхарамі на пабудову касцёла. Праект храму распрацаваў інжынер з Баранавіч Браніслаў Іванчык.

Пасля Другой сусветнай вайны касцёл зачынены савецкімі ўладамі. У ім размяшчаўся склад.

У 1940—1954 гадах цэнтр Дараўскага сельсавета.

Славутасці

Сучасная Свята-Троіцкая царква

Пахаванні Бохвіцаў

Прыдарожная капліца-крыж

• Прыдарожная капліца-крыж — збудавана ў 1933 з бетонных блокаў, што здабываліся пры разборы нямецкіх бункераў Першай сусветнай вайны на пабудову касцёлу. Ніжэй надпісу Bog z nami знаходзілася невядомая табліца знішчаная пасля 1939.
• Касцёл Унебаўзяцця Найсв. Дзевы Марыі
• Свята-Троіцкая царква (2008-2012)
• Пахаванні роду Бохвіцаў на могілках

Страчаная спадчына

• Свята-Мікалаеўская царква
• Царква Св. Тройцы
• Касцёл Найсв. Дзевы Марыі

Спасылкі

• На Вікісховішчы ёсць медыяфайлы па тэме Дарава
• в. Дарава на Radzima.org
• Дыялог Здзіслаў Сіцька — Касцёл па-над Шчарай
• Крыж заслугі. Руслан Равяка. Наша Ніва
• Дарава на сайце Глобус Беларусі (руск.)