Сінькі (Смаргонскі раён)

Аграгарадок Сінькі Краіна Беларусь Вобласць Гродзенская Раён Смаргонскі Сельсавет Сінькоўскі Каардынаты 54°21′40″ пн. ш. 26°27′26″ у. д. Вышыня цэнтра 180—200 м Насельніцтва 319 чалавек (2004) Часавы пояс UTC+3 Тэлефонны код +375 1592 Паштовы індэкс 231011 Аўтамабільны код 4 Сінькі на карце Беларусі ±

Сінькі́ (трансліт.: Sińki, руск.: Синьки) — аграгарадок у Смаргонскім раёне Гродзенскай вобласці Беларусі. Адміністрацыйны цэнтр Сінькоўскага сельсавета.

Геаграфія

Размешчаны за 12 км на паўднёвы ўсход (за 17 км на поўдзень) ад горада Смаргонь, за 250 км ад Гродна, за 90 км паўночны захад ад Мінска, за 13 км ад чыгуначнай станцыі Залессе, на рацэ Драй.

Гісторыя

У сярэдзіне XIX — пачатку XX стагоддзяў сядзіба з вёскай у Беніцкай воласці Ашмянскага павета Віленскай губерні, уласнасць Антушэвічаў. Паводле інвентара 1864 года ў вёсцы 40 жыхароў. У 1889 годзе 11 двароў, 75 жыхароў (усе праваслаўнага веравызнання). У 1901 годзе адкрыта школа царкоўнай граматы. З 16 ліпеня 1954 года цэнтр сельсавета.

Па стане на 1 студзеня 2004 года 134 двары, 319 жыхароў.

Насельніцтва

• 1864 — 40 жыхароў.
• 1889 — 11 двароў, 75 жыхароў.
• 2001 — 138 двароў, 341 жыхар.
• 2003 — 134 двары, 319 жыхароў.

Інфраструктура

У вёсцы функцыянуюць: фельчарска-акушэрскі пункт, дзіцячы сад, сярэдняя школа, дом культуры, бібліятэка, аддзяленне сувязі, крама.

Памятныя мясціны

• Помнік землякам, якія загінулі ў Вялікую Айчынную вайну.

Літаратура

• Сінькі // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 407. — 10 000 экз. — ISBN 985-11-0035-8. — ISBN 985-11-0238-5 (т. 14).
• Дулеба Г. І. З гісторыі населеных пунктаў // Памяць: Гісторыка-дакументальная хроніка Смаргонскага раёна : Рэд. кал.: Г. П. Пашкоў (гал. рэд.) і інш. — Мінск: БелЭн, 2004.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх