Сінгапур

Рэспубліка Сінгапур
Republic of Singapore
Republik Singapura
新加坡共和国
சிங்கப்பூர் குடியரசு

Сцяг Сінгапура Герб Сінгапура
Дэвіз: «Majulah Singapura (Наперад, Сінгапур)»
Гімн: «Majulah Singapura»
Дата незалежнасці	9 жніўня 1965 (ад Малайзіі)
Афіцыйныя мовы	англійская, кітайская, малайская, тамільская
Сталіца	Сінгапур
Форма кіравання	Парламенцкая рэспубліка з аднапартыйнай сістэмай
Прэзідэнт Прэм'ер-міністр	Тоні Тан‏ Лі Сянь Лун
Плошча • Усяго • % воднай паверхні	175-я ў свеце 692,7 км² 1,444
Насельніцтва • Ацэнка (2008) • Шчыльнасць	4 839 400 чал. (114-я) 6 814 чал./км²
ВУП   • Разам (2008)   • На душу насельніцтва	$161,947 млрд  (44-ы) $51 649  (4-ы)
Валюта	Сінгапурскі долар (SGD)
Інтэрнэт-дамен	.sg
Код ISO (Alpha-2)	SG
Код ISO (Alpha-3)	SGP
Код МАК	SGP
Тэлефонны код	+65
Часавыя паясы	+8

Андрэеўскі сабор.

Сінгапур — краіна ў Паўднёва-Усходняй Азіі, на паўднёвай аканечнасці Малайскага паўвострава, у 137 км на поўнач ад экватара. Астраўная дзяржава-горад складаецца з 63 астравоў, аддзеленая ад Малайзіі пралівам Джахор, а ад Інданезіі Сінгапурскім пралівам. Краіна высокаўрбанізаваная, некранутай прыроды амаль не засталося. Сельская гаспадарка не вядзецца, прамысловасць складае 27,2% ВУП, сектар паслуг — 72,8% (2010).

Насельніцтва краіны складае 5 млн. чал., з якіх 2,9 млн. нарадзіліся тут. Імігранты пераважна кітайскага, малайскага і індыйскага паходжання.

Геаграфія

Востраў Сінгапур адлучаны ад паўвострава Малака пралівам Джахор шырынёй ледзь больш 1 км. Берагі праліва злучаны мостам. Клімат тэрыторыі вільготны трапічны, з высокімі тэмпературамі на працягу ўсяго года. Сярэдняя гадавая тэмпература 26°С, а розніца тэмператур самага халоднага (студзень) і самага цёплага (травень) месяцаў не перавышае 1°С. Сярэдняя гадавая сума ападкаў 2400 мм.

Гісторыя

Асноўны артыкул: Гісторыя Сінгапура

У сярэдневякоўі тэрыторыя Сінгапура ўваходзіла ў склад розных малайска-інданезійскіх дзяржаў (Шрывіджаі, Малакскі султанат і нш.). Пасля войнаў XIII — XIV стст. да пачатку XIX ст. яна амаль незаселена. У 1819 г. брытанскі губернатар Явы Т.С.Рафлз выкупіў востраў Сінгапур у султана Джахора, заснаваў тут факторыю Сінгапур, вакол якой вырас горад — адзін з найбольшых гарадоў Паўднёва-Усходняй Азіі; з 1826 г. асобная калонія Вялікабрытаніі. У 1942 — 1945 гг. Сінгапур акупіраваны японскімі войскамі. У 1954 г. створана Партыя нацыянальнага дзеяння (ПНД). У 1959 г. Сінгапур атрымаў самакіраванне. У 1963 — 1965 гг. у складзе Федэрацыі Малайзія, з 9 жніўня 1965 г. — незалежная дзяржава. Урад ПНД (напачатку на чале з прэм’ер-міністрам Лі Куан Ю, з лістапада 1990 г. — Го Чок Тонгам) ажыццяўляе палітыку прыцягнення замежнага капіталу і развіцця рыначнай эканомікі, што прывяло да хуткага эканамічнага росту Сінгапр\ура і ператварэння яго да пачатку 1990-х гадоў у адну з найбольш развітых краін Азіі.

Вядомыя асобы

• Лі Куан Ю
• Т. Тан (1940-) — сінгапурскі палітык, банкір і матэматык

Зноскі

Панарама начнога Сінгапура, 2011