Калінінскі фронт

Калінінскі фронт
Гады існавання	19 кастрычніка 1941 - 20 кастрычніка 1943
Краіна	СССР
Уваходзіць у	Рабоча-Сялянская Чырвоная Армія
Тып	Фронт
Войны	Другая сусветная вайна
Удзел у	Маскоўская бітва, 1941—1942 Першая Ржэўска-Сычоўская аперацыя Другая Ржэўска-Сычоўская аперацыя Вялікалукская аперацыя Ржэўска-Вяземская аперацыя, 1943 Смаленская аперацыя, 1943 Невельская аперацыя
Камандзіры
Вядомыя камандзіры	І. С. Конеў М. А. Пуркаеў А. І. Яроменка

Калінінскі фронт. Створаны 17 кастрычніка 1941 г. з войск правага крыла Заходняга фронту (з 22-й, 29-й, 30-й, 31-й армій) для прыкрыцця Масквы з паўночнага захада.

Баявыя дзеянні

Войскі фронту вялі абарончыя баі пад Масквой (кастрычнік — снежань 1941 г.), правялі Калінінскую (снежань 1941 — студзень 1942 гг.), Сычоўска-Вяземскую (студзень 1942 г.). У час Тарапецка-Холмскай аперацыі (студзень — люты 1942 г.) 4-я ўдарная армія (генерал-палкоўнік А. І. Яроменка) узяла Тарапец 21 студзеня 1942 г. і вяла далейшае наступленне на Віцебскім напрамку ў глыбокім тыле групы армій «Цэнтр». Нямецкае камандаванне перакінула сюды з Заходняй Еўропы 4 пяхотныя дывізіі і ў пачатку лютага 1942 г. спыніла наступленне савецкіх войск на Віцебск. У выніку баёў у раёне Сураж — Веліж утварыліся т.зв. Віцебскія «вароты». У далейшым войскі фронту ўдзельнічалі ў Ржэўска-Вяземскай (сакавік – красавік 1943 г.) і Смаленскай (жнівень — кастрычнік 1943 г.) аперацыях. Пасля Невельскай аперацыі (1943 г.) войскі фронту выйшлі да ўсходняй граніцы БССР. У пачатку кастрычніка 1943 г. 39-я і 43-я арміі выйшлі на тэрыторыю Беларусі і пачалі баі за яе вызваленне. 8 кастрычніка 1943 г. у ходзе наступлення на Віцебскім напрамку войскі 39-й арміі і рухомай механізаванай групы фронту вызвалілі Лёзна. Гэта быў першы вызваленны раённы цэнтр вобласці. 20 кастрычніка 1943 г. фронт перайменаваны ў 1-ы Прыбалтыйскі фронт.

Камандуючыя

• генерал-палкоўнік І. С. Конеў (17 кастрычніка 1941 — 26 жніўня 1942)
• генерал-лейтэнант (з 18 лістапада 1942 г. — генерал-палкоўнік) М. А. Пуркаеў (жнівень 1942 — 25 красавіка 1943 г.)
• генерал-палкоўнік (з 27 жніўня 1943 г.) генерал арміі А. І. Яроменка (да 20 кастрычніка 1943 г.)

Начальніка штаба

• генерал-маёр І. І. Іваноў (кастрычнік — лістапад 1941 г.)
• генерал-маёр Я. П. Жураўлёў (лістапад 1941 г.)
• палкоўнік А. А. Кацнельсон (лістапад – снежань 1941 г.)
• генерал-маёр (з 30 мая 1942 г. — генерал-лейтэнант) У. В. Курасаў (красавік – кастрычнік 1943 г.).

Склад фронта

• 22-я армія (19 кастрычніка 1941 - 21 красавіка 1943)
• 29-я армія (19 кастрычніка 1941 - 31 жніўня 1942)
• 30-я армія (19 кастрычніка 1941 - 31 жніўня 1942)
• 31-я армія (21 кастрычніка 1941 - 23 ліпеня 1942)
• 39-я армія (22 снежня 1941 - 27 ліпеня 1942)
• 3-я ўдарная армія (21 студзеня 1942 - 13 кастрычніка 1943)
• 4-я ўдарная армія (22 студзеня 1942 - 20 кастрычніка 1943)
• 41-я армія (16 мая 1942 - 20 сакавіка 1943)
• 3-я паветраная армія (16 мая 1942 - 20 кастрычніка 1943)
• 58-я армія (25 чэрвеня 1942 - 20 ліпеня 1942)
• 43-я армія (1 кастрычніка 1942 - 20 кастрычніка 1943)
• 20-я армія (10 жніўня 1942 - 1 верасня 1942)

Аперацыі і бітвы, у якіх удзельнічаў фронт

• Маскоўская бітва, 1941—1942
  • Калінінская абарончая аперацыя
  • Калінінская наступальная аперацыя
  • Ржэўска-Вяземская аперацыя, 1942
  • Тарапецка-Холмская аперацыя
• Першая Ржэўска-Сычоўская аперацыя
• Другая Ржэўска-Сычоўская аперацыя
• Вялікалукская аперацыя
• Ржэўска-Вяземская аперацыя, 1943
• Смаленская аперацыя, 1943
  • Духаўшчынска-Дземідаўская аперацыя
• Невельская аперацыя

Літаратура

• Калінінскі фронт // Энцыклапедыя гісторыі Беларусі: У 6 т. Т. 6: У 2 кн. Кн. 1: Пузыны — Усая / БелЭн; Рэдкал.: Г.П.Пашкоў (гал. рэд.) і інш.; Маст. Э.Э.Жакевіч. — Мн.: БелЭн, 2001. — 591 с.: іл. – С. 28. — ISBN 985-11-0214-8.

Спасылкі

• Усе франты Вялікай Айчыннай вайны