Баляслаў III Крывавусты

Баляслаў III Крывавусты (польск.: Bolesław III Krzywousty; 20 жніўня 1085 — 28 кастрычніка 1138) — польскі князь (1102—38).

З дынастыі Пястаў. Сын караля Уладзіслава Германа. Да 1113 у барацьбе за адзінаўладдзе ў краіне перамог старэйшага незаконнанароджанага брата Збігнева (у т.л. ў 1109 адбіў напад яго саюзніка германскага караля Генрыха V) і аб'яднаў польскія землі. Пасля працяглых войнаў 1102—22 супраць «Свяшчэннай Рымскай імперыі» далучыў да Польшчы Усходняе (1116) і на ўмовах леннай залежнасці Заходняе (1123) Памор'е, нанова правёў там хрысціянізацыю. У 1138 падзяліў краіну паміж сынамі на ўдзелы (Сілезія, Вялікая Польшча, Малая Польшча, Мазовія).

Літаратура

• Баляслаў III // БелЭн у 18 т. Т. 2. Мн., 1996.