ХК Керамін Мінск: Розніца паміж версіямі

ХК «Керамін-Мінск», поўная назва — Закрытае акцыянернае таварыства «Хакейный клуб „Керамін-Мінск“»^[1]) — беларуская каманда па хакеі з шайбай з города Мінска. Заснавана ў 1999 годзе, да 2001 года называлася ХК «Мінск». Чэмпіён Беларусі 2002 і 2008 гадоў, чэмпіён УЕХЛ 2003 і 2004 гадоў. Расфарміравана ў чэрвені 2010 года^[2]^[3].

Гісторыя

ХК «Мінск» (1999—2001)

Хакейны клуб «Мінск» быў усталяваны Мінгарвыканкам летам 1999 года па ініцыатыве кіраўніцтва СДЮШАР «Юнацтва» для прадастаўлення гульнявой практыкі пасталеўшым выхаванцам школы і працаўладкавання беларускіх хакеістаў, якія засталіся без гульнявой практыкі ў замежных клубах. Галоўным трэнерам быў прызначаны Міхаіл Захараў. Хатнія матчы каманда стала праводзіць у новым лядовым палацы на вуліцы Прытыцкага. У якасці спонсараў за клубам замацавалі некалькі сталічных прадпрыемстваў. У першым жа сезоне каманда заняла другое месца ў чэмпіянаце, адстаўшы ўсяго на ачко ад «Цівалі», а таксама дэбютавала ў Кантынентальным кубке и УЕХЛ^[4]^[5].

У сезоне 2000/ 2001 гадоў СДЮШАР «Юнацтва» ізноў заявіла ў чэмпіянат краіны ўласную каманду, якую ўзначаліў Міхаіл Захараў, а новым галоўным трэнерам ХК «Мінск» стаў Валерый Пальшакоў. Па ходзе сезону ў Пальшакова ўзніклі праблемы са здароўем, і каманду фактычна ўзначаліў яго памочнік Аляксандр Владыкін, а ў студзені 2001 года галоўным трэнерам стаў Валерый Варонін ^[5]. Нягледзячы на вялікія фінансавыя цяжкасці ^[4] (гульцам па некалькі месяцаў не плацілі зарплату, былі праблемы з хакейнай экіпіроўкай і інвентаром), каманда змагла зноў заваяваць сярэбраныя медалі.

Росквіт клуба (2001—2008)

Пасля выхаду ўказа Прэзідэнта Беларусі аб падтрымцы хакейных клубаў, галоўным спонсарам ХК «Мінск» стаў завод «Керамін», і трэці сезон у сваёй гісторыі каманда пачынала ўжо з новым назвай — «Керамін-Мінск». Фінансавае становішча клуба ўмацавалася, палепшылася арганізацыя трэніровачнага і гульнявога працэсу, больш чым напалову абнавіўся склад клуба. У сезоне 2001/2002 гадоў медалі беларускага чэмпіянату ўпершыню разыгрываліся ў серыі плэй-оф — не пацярпеўшы ў васьмі матчах аніводнага паражэння, «Керамін» упершыню заваяваў залатыя медалі. У сезоне 2002/ 2003 гадоў каманду ўзначаліў Яўген Лебедзеў, пад кіраўніцтвам якога «Керамін» двойчы станавіўся чэмпіёнам УЕХЛ, аднак у чэмпіянаце Беларусі двойчы спыняўся на другой прыступцы п'едэстала. У 2002 годзе «Керамін» першым з беларускіх клубаў выйшаў у суперфінал Кантынентальнага кубка, дзе заняў чацвёртае месца. У наступным годзе каманда практычна паўтарыла гэты поспех, заняўшы 5 месца ў суперфінале, які праходзіў у Гомелі.

У ходзе сезона 2004/ 2005 гадоў Яўген Лебядзеў вымушаны быў саступіць пасаду галоўнага трэнера Васілю Спірыдонаву, пад кіраўніцтвам якога каманда ў трэці раз запар выйграла срэбра. У сезоне 2005/ 2006 гадоў каманда Васіля Спірыдонава заняла толькі 5 месца ў чэмпіянаце, вылецеўшы з плэй-оф у чвэрцьфінале. Такія вынікі не задаволілі клубнае кіраўніцтва, якое вырашыла даверыць стырно кіравання Андрэю Гусаву, які некалькі гадоў таму менавіта ў «Кераміне» скончыў гульнявую кар'еру. Змена трэнера аказалася паспяховай — у сезоне 2006/ 2007 гадоў каманда чарговы раз заваявала сярэбраныя медалі, саступіўшы ў фінале мінскаму «Дынама», а ў сезоне 2007/ 2008 гадоў ў другі раз заваявала чэмпіёнскі тытул, усухую абгуляўшы ў фінале «Юнацтва».

Заняпад (2008—2010)

Пасля заваёвы залатых медалёў некалькі вядучых гульцоў «Кераміна» перайшлі ў мінскае «Дынама», якое стала прадстаўніком Беларусі ў КХЛ. Аднак каманда здолела правесці якасную селекцыю і выйграць перадсезонны розыгрыш кубка краіны. Як аказалася, гэта быў апошні поспех «Кераміна». Пасля таго, як 21 жніўня 2008 года «Керамін» у таварыскім матчы абыграў «Дынама» з лікам 6:2, трэнерскі штаб апошняга выказаў жаданне бачыць у беларускім прадстаўніку КХЛ яшчэ некалькіх гульцоў «Кераміна». У пачатку верасня «Керамін» афіцыйна стаў фарм-клубам «Дынама»"^[6]. Акрамя таго, у бабруйскі «Шыннік», які Федэрацыя хакея Беларусі зрабіла базавым клубам моладзевай зборнай, былі перададзеныя на ўмовах арэнды лепшыя маладыя гульцы^[7]. Аслабленая каманда змагла фінішаваць у чэмпіянаце толькі шостай, а вось «Керамін-2» пад кіраўніцтвам Сяргея Петухова ўпершыню стаў пераможцам чэмпіянату краіны ў вышэйшай лізе (Д2). Менавіта Сяргей Петухоў узначаліў «Керамін» у сезоне 2009/2010, апошнім у гісторыі каманды. Разарваўшы адносіны з «Дынама», «Керамін» зноў заняў толькі шостае месца.

Расфармараванне

У ліпені 2010 года, калі каманда выйшла з адпачынку і пачала падрыхтоўку да сезону, у прэсе з'явілася інфармацыя аб расфарміраванні «Кераміна»^[8]^[9]. На сустрэчы, якая адбылася 15 ліпеня з заўзятарамі, кіраўнік клуба Аляксандр Ляцецкі пацвердзіў, што хакейны клуб «Керамін-Мінск» спыняе сваё існаванне^[2].

Адной з прычын расфарміравання ХК «Керамін» стала стварэнне ў Мінску двух моладзевых каманд клубаў «Дынама» і «Юнацтва», якім для выступленні ў МХЛ спатрэбілася мець арэны, якія адпавядаюць патрабаванням лігі, а таксама ўмацаваць склад і фінансавае становішча. Мінскі лядовы палац на вуліцы Прытыцкага, дзе грунтаваўся «Керамін», будзе выкарыстоўвацца ў якасці хатняй пляцоўкі МХК «Юнацтва». Фінансавыя рэсурсы тытульнага спонсара каманды ААТ «Керамін» накіраваныя ў дапамогу ХК «Дынама-Мінск» ^[3]. Меркавалася, што дынамаўская каманда МХЛ «Мінскія зубры» зменіць назву на «Дынама-Керамін», аднак пазней ад гэтай ідэі адмовіліся^[10]. Большасць хакеістаў «Кераміна» заключылі кантракты з іншымі беларускімі клубамі, а гульцы моладзевага складу папоўнілі каманды з структуры мінскага «Дынама»^[3].

Статыстыка

УЕХЛ

Сезон	Г	Пер	ПерА	Н	ПарА	Пар	Ш	А	Месца	Плэй-оф
1999/2000	28	10	-	3	-	15	83-90	23	6 (8)	1/4 фінала
2000/2001	32	13	-	5	-	14	128-100	31	6 (9)	-
2001/2002	32	15	1	6	0	10	87-68	53	3 (9)	1/4 фінала
2002/2003	36	23	4	-	2	7	136-84	79	1-е месца (10)	-
2003/2004	32	25	0	1	0	6	125-59	76	1-е месца (9)	-

Чэмпіянат Беларусі

Сезон	Г	Пер	ПерА	ПерБ	Н	ПарБ	ПарА	Пар	Ш	А	Месца	Плэй-оф
1999/2000	18	10	-	-	2	-	-	8	68-51	22	2-е месца (4)	-
2000/2001	24	16	-	-	4	-	-	4	140-64	36	2-е месца (7)	-
2001/2002	14	8		-		-	1	5	61-37	25	3 (8)	Фінал 1-е месца
2001/2002	20	11		-		-	1	8	78-52	34	2 (4)	Фінал 1-е месца
2002/2003	42	26	2	-	-	-	4	10	177-115	86	2 (8)	Фінал 2-е месца
2003/2004	45	35		-	3	-		7	188-70	108	1 (10)	Фінал 2-е месца
2004/2005	44	26	1	-	8	-		9	144-97	88	2 (12)	Фінал 2-е месца
2005/2006	55	30	1	-	11	-	3	10	155-103	106	3 (12)	1/4 Фінала
2006/2007	50	34		-	5	-	3	8	177-107	110	1 (11)	Фінал 2-е месца
2007/2008	54	35	7	-	-	-	2	10	204-117	121	2 (10)	Фінал 1-е месца
2008/2009	52	28		3	-	1	1	19	165-125	92	6 (14)	1/4 Фінала
2009/2010	52	24	2	4	-	2		20	157-140	86	6 (14)	1/4 Фінала

Кубак Беларусі

Сезон	Група	Г	Пер	Н	ПарА	Пар	Ш	А	Месца	Фінал
2002	Група А	3	3	0	0	0	15-5	9	1 (4)	«Керамін» — «Гомель» — 3:2 Першае месца
2002/2003	Група B	4	3	0	0	1	23-11	9	1 (4)	«Гомель» — «Керамін» — 5:4, 4:2 Другое месца
2003/2004	Група A	8	6	0	0	2	41-24	18	2 (5)	«Гомель» — «Керамін» — 0:1, 5:2 Другое месца
2004	-	8	4	0	0	4	31-30	12	4 (9)	-
2005	Група A	8	3	2	0	3	23-22	11	4 (5)	-
2006	-	9	8	0	0	1	36-12	24	1 (10)	«Керамін» — «Дынама» — 0:3, 1:1 Другое месца
2007	-	9	8	1	0	0	36-14	25	1 (10)	«Керамін» — «Гомель» — 2:4 Другое месца
2008	Группа A	4	3	-	1	0	17-12	10	1 (5)	«Керамін» — «Юнацтва» — 6:5 Першае месца
2009	Група A	4	3	-	0	1	14-6	9	1 (5)	«Юнацтва» — «Керамін» — 3:1 Другое месца

Кантынентальны кубак

Сезон	Стадыя	Г	Пер	ПерА	Н	ПарА	Пар	Ш	А	Месца
1999/2000	Першы раунд. Група E	3	2	-		-	1	22-10	4	2 (4)
2000/2001	Другі раунд. Група K	3	2	-	1	-		20-8	5	1 (4) Выхад у наступны этап
2000/2001	Трэці раунд. Група O	3		-		-	3	5-19		4 (4)
2001/2002	Першы раунд. Група B	3	3	-		-		51-3	6	1 (4) Выхад у наступны этап
	Другі раунд. Група H	3	2	-	1	-		10-7	5	1 (4) Выхад у наступны этап
	Трэці раунд. Група N	3		-		-	3	3-11		4 (4)
2002/2003	Трэці раунд. Група K	3	2	-	1	-		11-8	5	1 (4) Выхад у наступны этап
	Фінальны турнір. 1/4 фінала:	«Мілан» (Італія) — «Керамін» — 3:3 (1:3 бул) Выхад у наступны этап
	Фінальны турнір. 1/2 фінала:	«Йокерыт» (Фінляндыя) — «Керамін» — 5:2
	Фінальны турнір. Матч за 3-е месца:	«Лугана» (Швейцарыя) — «Керамін» — 5:0
2003/2004	Трэці раунд. Група K	3	2	-	1	-		8-3	5	1 (4) Выхад у наступны этап
	Фінальный турнір. Група N	2		-		-	2	4-11		3 (3)
	Фінальный турнір. За 5-6 месцы:	«Керамін» — «Руан» (Францыя) — 5:0
2008/2009	Трэці раунд. Група D	3	2		-		1	11-6	6	1 (4) Выхад у наступны этап
2008/2009	Фінальны турнір	3			-		3	6-18		4 (4)

Дасягненні

Чэмпіён УЕХЛ 2003 і 2004 гадоў.
Чэмпіён Беларусі 2002 і 2008 гадоў.
Сярэбраны прызёр чэмпіянату Беларусі 2000, 2001, 2003, 2004, 2005 і 2007гадоў.
Уладальнік Кубка Беларусі 2002 і 2008 гадоў.
Удзельнік суперфінале Кантынентальнага кубка 2003, 2004 і 2009 гадоў.

Керамін-2

У 2002 годзе моладзевы склад ХК «Керамін» быў заяўлены ў першую лігу чэмпіянату Беларусі пад назвай "Керамін- 2 ". За восем сезонаў праведзеных у другім дывізіёне каманда тройчы ўздымалася на п'едэстал: у 2008 годзе заняўшы трэцяе месца, у 2003 — другое, а ў 2009 стаўшы чэмпіёнам.

Сезон	Г	Пер	ПерА	ПерБ	Н	ПарБ	ПарА	Пар	Ш	А	Месца	Плэй-оф
2002/2003												Фінал 2-е месца
2003/2004
2004/2005
2005/2006	36	17	0	-	2	-	1	16	136-132	54	5 (10)	Матч за 3-е месца (4)
2006/2007	45	19	5	-	3	-	1	17	173-148	71	5 (10)	1/4 фінала
2007/2008	45	19	1	1	-	5	0	19	155-128	66	6 (10)	Матч за 3-е месца 3-е месца
2008/2009	45	28	2	3	-	0	1	11	168-110	95	1 (10)	Фінал 1-е месца
2009/2010	45	25	0	1	-	2	3	14	163-138	82	5 (10)	1/4 фінала

Арэна

Практычна ўсе свае матчы ХК «Керамін» праводзіў у Мінскім лядовым палацы спорту на вуліцы Прытыцкага. Узвядзенне арэны пачыналі ўладальнікі хакейнага клуба «Цівалі», завяршалася будаўніцтва палаца ў 1997—1999 гадах ужо за дзяржаўныя сродкі. Умяшчальнасць арэны складае 1823 гледача, трыбуны размешчаны Г-вобразна. Лядовы палац з'яўляецца камунальнай уласнасцю горада Мінска.

Кіраўніцтва «Кераміна» неаднаразова агучвала планы будаўніцтва ўласнай арэны. Для гэтых мэтаў быў выдзелены зямельны ўчастак у Кастрычніцкім раёне Мінска, падрыхтавана неабходная праектная дакументацыя ^[11], аднак будаўніцтва так і не было распачата.

Усе трэнеры

Вядомыя гульцы

Зноскі

↑ Перечень юридических лиц негосударственной формы собственности, акции (доли) которых, находятся в коммунальной собственности (нявызн.). Управление физической культуры, спорта и туризма Мингорисполкома. Афіцыйны сайт Мінгарвыканкама (27 ліпеня 2010). Праверана 25 ліпеня 2010.
↑ ^а ^б Артур Тимошенко.. Пятое колесо (нявызн.). Goals.by (16 чэрвеня 2010). — Болельщикам «Керамина» объявили о расформировании команды. Праверана 25 ліпеня 2010.
↑ ^а ^б ^в Евгений Ворсин: «Керамина» нет (нявызн.). Спортивная панорама (15 чэрвеня 2010). Праверана 8 жніўня 2010.
↑ ^а ^б Игорь Серов. Деловой подход к хоккею (нявызн.). Советская Белоруссия (11 июля 2002). Праверана 8 жніўня 2010.
↑ ^а ^б Валентин Вайтехович.. Чтобы помнили. Сага о “драконах” (нявызн.). Прессбол (22 чэрвеня 2010). Праверана 8 жніўня 2010.
↑ Николай Карпович.. Коллективизация (нявызн.). Прессбол (10 верасня 2008). Праверана 8 жніўня 2010.
↑ Прямая речь. Долг от платежа красный (нявызн.). Прессбол (21 ноября 2008). Праверана 8 жніўня 2010.
↑ Сергей Малышко.. Ломать — не строить (нявызн.). Прессбол (8 ліпеня 2010). Праверана 8 жніўня 2010.
↑ Анатолий Генералов.. «Керамин»: осколки не склеить? (нявызн.). Спортивная панорама (13 ліпеня 2010). Праверана 8 жніўня 2010.
↑ Молодежная команда «Динамо» сохраняет название «Минские зубры» (нявызн.). TUT.BY (20 ліпеня 2010). Праверана 8 жніўня 2010.
↑ «Керамин» будет строить собственную ледовую арену (нявызн.). Naviny.by (4 апреля 2008). Праверана 22 жніўня 2010.

Спасылкі

Афіыйны сайт ХК «Керамін-Мінск»

Шаблон:Чэмпіёны Беларусі па хакеі з шайбай

[1] Перечень юридических лиц негосударственной формы собственности, акции (доли) которых, находятся в коммунальной собственности (нявызн.). Управление физической культуры, спорта и туризма Мингорисполкома. Афіцыйны сайт Мінгарвыканкама (27 ліпеня 2010). Праверана 25 ліпеня 2010.

[Пятое_колесо-2] а ^б Артур Тимошенко.. Пятое колесо (нявызн.). Goals.by (16 чэрвеня 2010). — Болельщикам «Керамина» объявили о расформировании команды. Праверана 25 ліпеня 2010.

[Ворсин-3] а ^б ^в Евгений Ворсин: «Керамина» нет (нявызн.). Спортивная панорама (15 чэрвеня 2010). Праверана 8 жніўня 2010.

[SB-4] а ^б Игорь Серов. Деловой подход к хоккею (нявызн.). Советская Белоруссия (11 июля 2002). Праверана 8 жніўня 2010.

[PB-5] а ^б Валентин Вайтехович.. Чтобы помнили. Сага о “драконах” (нявызн.). Прессбол (22 чэрвеня 2010). Праверана 8 жніўня 2010.

[Фарм_Динамо-6] Николай Карпович.. Коллективизация (нявызн.). Прессбол (10 верасня 2008). Праверана 8 жніўня 2010.

[7] Прямая речь. Долг от платежа красный (нявызн.). Прессбол (21 ноября 2008). Праверана 8 жніўня 2010.

[8] Сергей Малышко.. Ломать — не строить (нявызн.). Прессбол (8 ліпеня 2010). Праверана 8 жніўня 2010.

[9] Анатолий Генералов.. «Керамин»: осколки не склеить? (нявызн.). Спортивная панорама (13 ліпеня 2010). Праверана 8 жніўня 2010.

[10] Молодежная команда «Динамо» сохраняет название «Минские зубры» (нявызн.). TUT.BY (20 ліпеня 2010). Праверана 8 жніўня 2010.

[11] «Керамин» будет строить собственную ледовую арену (нявызн.). Naviny.by (4 апреля 2008). Праверана 22 жніўня 2010.

[1]

[2]

[3]

[4]

[5]

[6]

[7]

[8]

[9]

[10]

[11]

@@ Радок 868: / Радок 868: @@
 * [http://hckeramin.com/ Афіыйны сайт ХК «Керамін-Мінск»]
+{{Чэмпіёны Беларусі па хакеі з шайбай}}
-[[Катэгорыя:Спорт у Беларусі]]
-[[Катэгорыя:Горад Мінск]]
+[[Катэгорыя:Спорт у Мінску]]
+[[Катэгорыя:Хакейныя клубы Беларусі|Керамін]]
 [[be-x-old:Керамін Менск]]