Ізяслаў (Бруцкі)

Мітрапаліт Ізяслаў (Іван Бруцкі) нарадзіўся 22 студзеня 1926 года у в.Белавуша на Століншчыне. Скончыў польскую пачатковую школу. Падчас нямецкай акупацыі быў вывезены на працу ў Нямеччыну. З 1947 г. жыў у Канадзе. Скончыў Манітобскі ўнівэрсытэт, па спэцыяльнасьці інжынэр. З 1962 г. перасяліўся ў ЗША. У 1979 г. быў высьвечаны архіяпіскапам Міколам на сьвятара. 22 лютага 1981 года хіратанізаваны ў япіскапы мітрапалітам Украінскай праваслаўнай царквы Мсьціславам і архіяпіскапам Арэстам. На III Саборы БАПЦ у Манчэстары ў траўні 1984 года абраны мітрапалітам часткі БАПЦ. Жыў у Брукліне (ЗША).