Дудзінка

Герб горада

ДУДЗІНКА — горад у Краснаярскім краі Расіі, адміністрацыйны цэнтр Таймырскага раёну (з 2007, раней — адміністрацыйны цэнтр суб'екта РФ Таймырская (Далгана-ненецкая) аўтаномная акруга).

Насельніцтва 25,2 тыс. чел. (2005).

Горад размешчаны за Паўночным палярным кругам, на правым беразе Енісея, за 2021 км на поўнач ад Краснаярска.

Дудзінка — марскі порт у нізоўях Енісея, найбуйнейшы ў Сібіры. Цэлы год звязаны па Енісеі марскімі зносінамі з Архангельскам і Мурманскам, у перыяд летняй навігацыі — рачнымі зносінамі з Краснаярскам і Дзіксанам. Самая паўночная ў свеце электрыфікаваная чыгунка і аўтамабільная шаша злучае Дудзінку з Нарыльскам (96 км) і аэрапортам Алыкель (40 км). Гарады Нарыльск і Дудзінка не маюць рэжымнага статусу, але іх наведванне замежнымі грамадзянамі (акрамя грамадзян Беларусі) з 25 лістапада 2001 магчыма толькі па дазволе ўладаў, да гэтага на працягу 10 гадоў (з 1991 года) уезд для замежнікаў быў свабодны.

Спасылкі

• Горад Дудзінка
• Гісторыя герба Дудзінкі

Дудзінка на карце

Порт у Дудзінцы

Порт у Дудзінцы