Уільям Тафт

Уільям Тафт

Уільям Говард ТАФТ (William Howard Taft; 15 верасня 1857, г. Цынцынаты, ЗША — 8 сакавіка 1930) — дзяржаўны дзеяч, 27-ы Прэзідэнт ЗША.

Вучыўся ў Іельскім каледжы (1874—78) і юрыдычнай школе ў Цынцынаты (1878—80). Быў адвакатам, суддзёй, з 1901 губернатар Філіпінаў, з 1904 ваенны міністр ва ўрадзе Т. Рузвельта. У 1909—13 Прэзідэнт ЗША ад Рэспубліканскай партыі. Выступаў за абмежаванне эканамічнага дыктату вялікіх трэстаў, за пашырэнне амерыканскага ўплыву ў Кітаі і Цэнтральнай Амерыцы («Дыпламатыя долара»). 3 1913 прафесар права ў Іельскім універсітэце, з кастрычніка 1921 старшыня Вярхоўнага суда ЗША.

Бацька сенатара Р. А. Тафта.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).