Зоагеаграфія

Зоагеаграфія — раздзел біягеаграфіі, навука, якае вывучае распаўсюджванне жывёл на зямным шары і ўстанаўлівае агульныя заканамернасці гэтага распаўсюджання. Асноўнымі аб'ектамі зоагеаграфіі з'яўляюцца фауны і арэалы. Яна даследуе размеркаванне відаў і іншых сістэматычных адзінак (родаў, сямействаў і г. д.) па зямным шары, вывучае распаўсюджванне фауністычных комплексаў, а таксама працэсы рассялення і вымірання жывёл, г.зн. працэсы пашырэння і скарачэння іх арэалаў.

Зоагеаграфію звычайна падзяляюцца на рэгістрацыйную (апісальную), параўнальную і каўзальную (прычынную).

На Беларусі даследванні па зоагеаграфіі вядуцца з 1920-х гадоў (А.У.Фядзюшын, У.В.Станчынскі).

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2