Міхал Францішак Сапега

Міхал Францішак Сапега
Michał Franciszek Sapieha
Герб «Ліс»
Генерал літоўскай артылерыі 1698 — 19 лістапада 1700
Папярэднік	Матэвуш Ромер
Пераемнік	Юзаф Мнішак
Нараджэнне	1670(1670)
Смерць	19 лістапада 1700(1700-11-19) Алькенікі
Месца пахавання	Касцёл Святога Казіміра (Вільнюс)
Род	Сапегі
Бацька	Казімір Ян Павел Сапега
Маці	Крысціна Барбара Глябовіч
Жонка	няма
Дзеці	няма
Адукацыя	Браўнсбергскі езуіцкі калегіум[d]
Званне	генерал

Міхал Францішак САПЕГА (1670 — 19 лістапада 1700, Алькенікі) — дзяржаўны і ваенны дзеяч Вялікага Княства Літоўскага.

Жыццяпіс

Вучыўся ў езуіцкіх калегіўмах у Варшаве і Брунсбергу (Браневе). У 1689 паступіў на службу ў аўстрыйскае войска, удзельнічаў у войнах супраць туркаў, генерал-маёр (1692). У 1696 вярнуўся у ВКЛ. Канюшы ВКЛ з 1690, адначасова генерал літоўскай артылерыі з 1698, староста ашмянскі з 1699. У 1700 атрымаў ад аўстрыйскага імператара чын генерал-лейтэнанта і тытул князя Свяшчэнай Рымскай Імперыі. Камандаваў сапегаўскімі войскамі ў вайне супраць шляхты — "рэспубліканцаў". У Алькеніцкай бітве 18 лістапада 1700 капітуляваў і быў засечаны шляхтай.

Сям'я

Паходзіў з чарэйскай лініі магнацкага роду Сапегаў, сын вялікага літоўскага гетмана Казіміра Яна і яго першай жонкі Крысціны Барбары Глябовіч.

Меў братоў Ежы Станіслава і Аляксандра Паўла.

Не паспеў ажаніцца і не пакінуў нашчадкаў.

Крыніцы

• Сапегі // Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.

Вонкавыя спасылкі

• Генеалогія магнацкіх радоў Рэчы Паспалітай