Аэрапорт Хітроў

Хітроў (англ.: London Heathrow Airport; ІКАО: EGLL, ІАТА: LHR) — найбуйнейшы міжнародны аэрапорт Лондана. Лічыцца трэцім па загружанасці пасажырскім аэрапортам у свеце (2011 год), і першым у Еўропе. Размешчаны ў 24 км (15 мілях) на захад ад цэнтральнага Лондана. Уключае 5 пасажырскіх тэрміналаў і адзін грузавы. Апошні, 5-ы тэрмінал, адкрыты 14 сакавіка 2008 каралевай Лізаветай II, з 11 красавіка 2008 года закрываўся па тэхнічных прычынах да чэрвеня 2008 года.

Размяшчэнне

Размешчаны ў 24 км (15 мілях) на захад ад цэнтральнага Лондана каля паўднёвай мяжы Хілінгтана. З паўночнага боку аэрапорт мяжуе з Харлінгтанам, Хармандсворсам, Лонгфардам і Кранфардам, з усходняга - Хаўнслоў і Хатанам, з паўднёвага - з Іст Бедфантам і Стануэлам. На захад шаша M25 аддзяляе аэрапорт ад Колнбрука ў Беркшыра.

Аэрапорт размешчаны на захад ад Лондана, яго ўзлётна-пасадачныя поласы арыентаваныя з захаду на ўсход, што азначае, што самалёты павінны ўзлятаць прама над горадам. Іншыя буйныя еўрапейскія аэрапорты, напрыклад, аэрапорты Амстэрдама, Франкфурта і Парыжа, размешчаны ў паўднёвай або паўночнай частцы горада, што дазваляе пазбягаць падобных праблем.

Іншай асаблівасцю аэрапорта з'яўляецца яго нізкае размяшчэнне над узроўнем мора (25 метраў), а таксама частыя туманы.

Хітроў - адзін з двух міжнародных аэрапортаў, размешчаных у межах Вялікага Лондана, другі - Лонданскі гарадскі аэрапорт.

Гісторыя

1930-я і 1940-я

Месца, на якім сёння знаходзіцца аэрапорт Хітроў, для патрэб авіяцыі пачалі выкарыстоўваць падчас Першай сусветнай вайны, у гэты час тут знаходзіўся ваенны аэрадром. У 1930-я гады аэрадром, які тады насіў назву Вялікі Заходні Аэрадром, выкарыстоўваўся кампаніяй Fairey Aviation для зборкі і выпрабаванняў авіяцыйнай тэхнікі. Камерцыйныя авіякампаніі выкарыстоўвалі аэрапорт Кройдан, які быў галоўным лонданскім аэрапортам у той час.

У 1943 Хітроў пачаў кантралявацца Міністэрствам Авіяцыі і пачаў развівацца як прамежкавая база Каралеўскіх ваенна-паветраных сіл Вялікабрытаніі. Будаўніцтва ўзлётна-пасадачных палос пачалося ў 1944 годзе на зямлі, якая належыла да гэтага прыхадскому святару з Хармансворса. Новы аэрапорт быў названы па назве вёскі Heath Row, якая была разбурана падчас будаўніцтва аэрапорта, і знаходзілася прыблізна на месцы сённяшняга тэрмінал.

Каралеўскія Паветраныя сілы так і не выкарысталі аэрапорт, і пасля заканчэння Другой сусветнай вайны, кіраванне Хітроў было перададзена Міністэрству Грамадзянскай Авіяцыі. Першы грамадзянскі рэйс адбыўся 1 студзеня 1946 года, у Буэнас-Айрэс з дазапраўкай у Лісабоне. Аэрапорт пачаў працаваць цалкам як грамадзянскі на 31 мая 1946, і да 1947 года ў Хітроў былі тры ўзлётна-пасадачныя паласы, і яшчэ тры будаваліся. Першыя ўзлётна-пасадачныя паласы, пабудаваныя для поршневых самалётаў, былі кароткія і іх напрамкі ўлічвалі ўсе напрамкі ветру.