Міхаіл Яфімавіч Фрадкоў

Міхаіл Яфімавіч Фрадкоў

Міхаі́л Яфі́мавіч Фрадко́ў (руск.: Михаил Ефимович Фрадков; нарадзіўся 1 верасня 1950 г.) — расійскі палітык, прэм'ер-міністр Расійскай Федэрацыі (2004-2007).

Біяграфія

Міхаіл Фрадкоў нарадзіўся ў Самарскай вобласці Расіі, скончыў Маскоўскі станкаінструментальны інстытут (1972) і Акадэмію знешняга гандлю (1981). У 1973 годзе Фрадкоў быў накіраваны ў эканамічны аддзел пасольства СССР у Індыі, дзе працаваў два гады. Па вяртанні ў Савецкі Саюз Фрадкоў працаваў у сістэме Дзяржаўнага камітэту СССР па знешнеэканамічных сувязях і Міністэрства Знешнеэканамічных Сувязяў СССР.

У 1991 годзе Фрадкоў быў прызначаны прадстаўніком Расіі пры GATT (будучая WTO) у Жэневе.

Напрыканцы 1992 года Фрадкоў быў прызначаны намеснікам міністра знешнеэканамічных сувязяў Расіі. Меней, чым праз год, у кастрычніку 1993, ён робіцца першым намеснікам міністра. 15 красавіка 1997 года сваім указам прэзідэнт Расіі Барыс Ельцын прызначыў Міхаіла Фрадкова міністрам знешнеэканамічных сувязяў Расійскай Фэдэрацыі. На гэтай пасадзе Фрадкоў працаваў адзін год, пасля чаго быў прызначаны міністрам гандлю.

31 мая 2000 года Міхаіл Фрадкоў прызначаны на пасаду першага намесніка сакратара Савета Бяспекі РФ. 28 сакавіка 2001 года ён прызначаны новым прэзідэнтам Уладзімірам Пуціным на пасаду дырэктара Федэральнай Службы Падатковай Паліцыі Расіі. У 2003 годзе Фрадкоў прызначаны прадстаўніком Расіі ў ЕС.

1 сакавіка 2004 года ён быў прадстаўлены прэзідэнтам Пуціным як кандыдат у прэм’ер-міністры Расіі, 5 сакавіка яго кандыдатура зацверджаная Думай.

З 2007 года дырэктар Службы знешняй разведкі Расіі.

Міхаіл Фрадкоў валодае анлійскай і іспанскай мовамі. Жанаты, мае двух дзяцей.

Вонкавыя спасылкі

• На Вікісховішчы ёсць медыяфайлы па тэме Міхаіл Яфімавіч Фрадкоў