Фонд Вікімедыя

Не блытайце з MediaWiki — праграмным механізмам для вэб-сайтаў, якія працуюць па тэхналогіі «вікі»

Фонд Вікімедыя, Сан- Францыска.

Фонд Вікімедыя (англ.: Wikimedia Foundation Inc.) — некамерцыйная арганізацыя, якая забяспечвае матэрыяльную аснову для шэрага інтэрнэт- супольнасцяў, што ствараюць свабодна распаўсюджваемы кантэнт, найболей вядомае з якіх —вольная энцыклапедыя «Вікіпедыя». Дзейнасць Фонду ажыццяўляецца дзякуючы добраахвотным ахвяраванням. Саму працу па стварэнні « вольнага кантэнту» (тэкстаў і малюнкаў, якія распаўсюджваюцца пад ліцэнзіямі GFDL, CC-BY(-SA), ці ж змешчаных у грамадскім набытку) і « вольнага кода» (праграмнага кода, што распаўсюджваецца па ліцэнзіі GPL) робяць добраахвотнікі з усяго свету.

Пра ўстанову фонду 20 чэрвеня 2003 года абвясціў заснавальнік ужо існавалай тады Вікіпедыі Джымі Вэйлз.

Праекты

Натхнёныя поспехам Вікіпедыі, яе ўдзельнікі прапанавалі адкрыць іншыя сайты, якія працавалі б на падобных прынцыпах для стварэння іншых выглядаў адукацыйных і даведкавых выданняў:

• Вікіслоўнік — універсальны, шматмоўны слоўнік.
• Вікіцытатнік — складанка цытат.
• Вікітэка — бібліятэка арыгінальных тэкстаў.
• Вікіпадручнік — навучальная літаратура.
• Віківерсітэт — які пазіцыянуе сябе як новая форма завочнай адукацыі.
• Вікінавіны — адкрытае навінавае агенцтва.
• ВікіСховішча — агульнае сховішча файлаў мультымедыя.
• Віківіды — даведнік па таксанаміі біялагічных відаў.
• Мета-вікі — Вікі для каардынацыі праектаў Фонду.

Рада павераных

Рада Павераных (Рада давераных асоб) з'яўляецца вярхоўным органам улады Фонду, у якім цяпер 9 чалавек.

• Майкл Сноу, старшыня (да ліпеня 2010)
• Джымі Вэйлз, ганаровы старшыня (да снежня 2009)
• Ян-Барт дэ Фрыдзе, віцэ-старшыня (да снежня 2009)
• Сэмюэль Кляйн, (да ліпеня 2011)
• Сцюарт Уэст, скарбнік (да снежня 2009)
• Кэт Уолш (да ліпеня 2011)
• Тин Чэнь (да ліпеня 2011)
• Арне Клемперт (да ліпеня 2010)
• Мэтт Хэлпрын (да снежня 2009)

Рада складаецца з абраных і прызначаных членаў. Абраныя змяняюцца ў чэрвені ці ліпені, у залежнасці ад даты выбараў, прызначаныя — у снежні.

Аддзяленні фонду

Дзейнасць Фонду падтрымваецца сеткай з 19-ти «рэгіянальных аддзяленняў» па ўсім свеце, праца якіх таксама забяспечваецца добраахвотнікамі. На дадзены момант існуюць «рэгіянальныя аддзяленні» ў Аўстраліі, Аўстрыі, Аргенціне, Венгрыі, Германіі, Ганконгу, Ізраілі, Інданезіі, Італіі, Нідэрландах, Нарвегіі, Польшчы, Расіі, Сербіі, Тайландзе, Украіне, Францыі, Чэхіі, Швецыі і Швейцарыі; падчас стварэння —аддзяленні ў Бразіліі і Вялікабрытаніі. Нягледзячы на выкарыстанне тэрміна «рэгіянальныя аддзяленні», гэта незалежныя арганізацыі, якія яднае з «матчыным» Фондам агульная мэта —спрыянне стварэнню і распаўсюджанню ліцэнзійна вольных адукацыйных матэрыялаў.

Гл. таксама

• Эрык Мёлер

Спасылкі

• Сайт Фонду Вікімедыя — на рускай мове
• Блог Фонду Вікімедыя
• Архітэктура праектаў Вікімедыа