Самазарадны карабін Сіманава: Розніца паміж версіямі
[дагледжаная версія] | [дагледжаная версія] |
→Гісторыя: вікіфікацыя |
афармленне |
||
Радок 51: | Радок 51: | ||
Як тое часта здаралася з узорамі савецкай зброі, у сяброўскіх краінах была пастаўленая вытворчасць ліцэнзійных копій карабіна: Тып 56 (КНР), Karabiner-S (ГДР), Тып 59 і Тып 59/66 (югаслаўскія варыянты з дульнай насадкай і адкідным прыцэлам для стральбы ружэйнымі гранатамі), «Рашыд» (егіпецкі варыянт са змененай канструкцыяй ствольнай накладкі, накрыўкі ствольнай каробкі і іншым размяшчэннем ручкі перанабівання) і інш. варыянты. Агулам на ўсіх прадпрыемствах было выраблена 15 млн. экземпляраў. У сучасным свеце СКС ёсць папулярным узорам грамадзянскай зброі (збольшага дзякуючы нізкаму кошту, непераборлівасці і надзейнасці), прыкладам, у ЗША было прадана да 2,5 млн. карабінаў, таксама ў продажу шырокі асартымент аксесуараў амерыканскай вытворчасці (складныя прыклады, аптычныя прыцэлы, ад'емныя магазіны і падоб.).<ref name="kalibr"/><ref name="orpeh">[http://www.shooting-ua.com/arm-books/arm_book_32.2.htm «Оружие пехоты 97»]</ref> |
Як тое часта здаралася з узорамі савецкай зброі, у сяброўскіх краінах была пастаўленая вытворчасць ліцэнзійных копій карабіна: Тып 56 (КНР), Karabiner-S (ГДР), Тып 59 і Тып 59/66 (югаслаўскія варыянты з дульнай насадкай і адкідным прыцэлам для стральбы ружэйнымі гранатамі), «Рашыд» (егіпецкі варыянт са змененай канструкцыяй ствольнай накладкі, накрыўкі ствольнай каробкі і іншым размяшчэннем ручкі перанабівання) і інш. варыянты. Агулам на ўсіх прадпрыемствах было выраблена 15 млн. экземпляраў. У сучасным свеце СКС ёсць папулярным узорам грамадзянскай зброі (збольшага дзякуючы нізкаму кошту, непераборлівасці і надзейнасці), прыкладам, у ЗША было прадана да 2,5 млн. карабінаў, таксама ў продажу шырокі асартымент аксесуараў амерыканскай вытворчасці (складныя прыклады, аптычныя прыцэлы, ад'емныя магазіны і падоб.).<ref name="kalibr"/><ref name="orpeh">[http://www.shooting-ua.com/arm-books/arm_book_32.2.htm «Оружие пехоты 97»]</ref> |
||
==Канструкцыя== |
|||
== Заўвагі == |
== Заўвагі == |
Версія ад 12:15, 2 лютага 2014
Самазарадны карабін Сіманава | ||
---|---|---|
{{{апісанне выявы}}} СКС са штыхом у паходным становішчы | ||
Апісанне | ||
Тып: | самазарадны карабін | |
Краіна: | СССР | |
Гады эксплуатацыі: | з 1949 года[1] (Гл. Гісторыя) | |
Мадыфікацыі: | Гл. Мадыфікацыі | |
Гісторыя мадэлі | ||
Канструктар: | Сяргей Гаўрылавіч Сіманаў | |
Серыйны выпуск: | 1949 год — пачатак 1950-х | |
Усяго выраблена: | больш за 15 млн.[2] | |
Характарыстыкі | ||
Маса, кг: |
3,75 (без набояў) 3,9 (узброены)[3] |
|
Даўжыня, мм: | 1260/1020 (з штыхом у баявым/паходным становішчы) | |
Даўжыня ствала, мм: | 520 | |
Калібр, мм: | 7,62 | |
Патроны: | 7,62×39 мм (Гл. Патроны) | |
Прынцып дзеяння: | адвод парахавых газаў, замыканне перакошваннем затвора ўніз, самазарадны | |
Хуткастрэльнасць, стрэлаў/хв: | 35—40 (баявая)[4] | |
Боезабеспячэнне: | каробкавы двухрадны неад'емны магазін, што набіваецца абоймай на 10 патронаў | |
Прыцэл: | сектарны | |
Характарыстыкі пры выкарыстанні стандартнага патрона | ||
Пачатковая хуткасць кулі, м/с: | 735 | |
7,62-мм самазарадны карабін Сіманава (СКС, Індэкс ГРАУ — 56-А-231, за мяжой таксама вядомы як СКС-45) — савецкі самазарадны карабін канструкцыі Сяргея Сіманава, прыняты на ўзбраенне ў 1949 годзе.
Першыя экземпляры пачалі паступаць у дзеючыя часткі напачатку 1945 г. — то быў адзіны выпадак ужыцця патрону 7,62×39 мм у Другой сусветнай вайне.
Гісторыя
Пасля прыняцця ў 1943 годзе на ўзбраенне прамежкавага патрона 7,62×39 мм канструкцыі Елізарава і Сёміна, распачалася праца над стварэннем новай сістэмы стралковага ўзбраення пад гэты патрон. Першыя ўзоры СКС пад патрон 7,62×39 мм былі створаны Сіманавым да канца 1944 г. на падставе карабіна, што быў распрацаваны ім жа ў рамках конкурса на новы карабін яшчэ ў 1940—1941 гг., але які не пайшоў у вытворчасць з прычыны эвакуацыі заводаў. Апроч патрона новы карабін вылучаецца неад'емна-адкідным штыхом, адсутнасцю дульнага тормаза-кампенсатара, здымная газавая камора. Невялікая партыя новых карабінаў праходзіла выпрабаванні ў дзеючых частках 1-га Беларускага фронта напачатку 1945 г., а таксама пастаўлялася на курсы «Выстрел». Зброя дастала станоўчыя водгукі, аднак дасканаленне карабіна і ўласна новага патрона працягвалася ажно да 1949 года, калі СКС паступіў на ўзбраенне Савецкай Арміі.[2][5]
Напрацягу дзесяцігоддзя СКС стаяў на ўзбраенні савецкай арміі разам з аўтаматам Калашнікава і ручным кулямётам Дзегцярова. Усе тры мадэлі пад прамежкавы патрон істотна дапаўнялі адна адну, мелі пэўныя перавагі і недахопы. Прыкладам, АК праз магчымасць стральбы чэргамі ствараў вялікую шчыльнасць агню, што павелічала эфектыўнасць стральбы на невялікіх адлегласцях, а таксама пры вядзенні агню па групавых цэлях. У той жа час, прыцэльная лінія і ствол СКС на 10 і 10,5 см адпаведна даўжэйшыя, чым у АК, што станоўча адбівалася на дакладнасці. З улікам аўтаматызацыі набівання і магчымасці папаўняць магазін пры дапамозе абоймы, карабін адпавядаў усім патрабаванням вядзення агнявога бою на сярэдніх і далёкіх дыстанцыях.
Да канца 50-х гг., з мэтай уніфікацыі стралковай зброі ў Савецкай Арміі, пастанавілі паўсюдна ў стралковых частках замяніць карабіны аўтаматамі. На думку камандавання, з улікам бясспрэчнай перавагі АК у высокай шчыльнасці агню стралковых аддзелаў, на перавагі СКС у вядзенні адзінкавага агню можна не зважаць, бо ў сучасным баі апошні чыннік ужо не граў вырашальнай ролі.
Тым не менш, СКС да канца 80-х гадоў знаходзіўся на ўзбраенні рада інжынерных, вайсковабудаўнічых частак, частак забеспячэння — там, дзе вядзенне агнявога бою не было асноўнай задачай. У цяперашні час СКС знаходзіцца на ўзбраенні ВОХР (ваенізаванай аховы), а таксама, дзякуючы сваім эстэтычным якасцям, ужываецца як парадна-цырыманіяльная зброя.[5][6]
Гэтаксама СКС пастаўляўся на ўзбраенне ў многія краіны Азіі і Афрыкі і шырока ўжываўся ў вайсковых канфліктах 50—70-х гг., у тым ліку ў Карэйскай і В'етнамскай вайне. Дадзеным карабінам савецкай альбо кітайскай вытворчасці забяспечваліся найбольш баездольныя часткі В'етконга, а ў ходзе баявых дзеянняў высветлілася адпаведнасць СКС патрабаванням вайны ў джунглях. Па сутнасці, карабін меў нават лішак агнявой магутнасці, бо сутыкненні з амерыканскімі жаўнерамі праходзілі на дыстанцыях, значна меншых за далячыню эфектыўнай стральбы з СКС. Таксама адзначылі вышэйшую хуткастрэльнасць зброі ў параўнанні са звычайнымі магазіннымі вінтоўкамі, што грала немалаважную ролю ў хуткацечных баях.[7]
Як тое часта здаралася з узорамі савецкай зброі, у сяброўскіх краінах была пастаўленая вытворчасць ліцэнзійных копій карабіна: Тып 56 (КНР), Karabiner-S (ГДР), Тып 59 і Тып 59/66 (югаслаўскія варыянты з дульнай насадкай і адкідным прыцэлам для стральбы ружэйнымі гранатамі), «Рашыд» (егіпецкі варыянт са змененай канструкцыяй ствольнай накладкі, накрыўкі ствольнай каробкі і іншым размяшчэннем ручкі перанабівання) і інш. варыянты. Агулам на ўсіх прадпрыемствах было выраблена 15 млн. экземпляраў. У сучасным свеце СКС ёсць папулярным узорам грамадзянскай зброі (збольшага дзякуючы нізкаму кошту, непераборлівасці і надзейнасці), прыкладам, у ЗША было прадана да 2,5 млн. карабінаў, таксама ў продажу шырокі асартымент аксесуараў амерыканскай вытворчасці (складныя прыклады, аптычныя прыцэлы, ад'емныя магазіны і падоб.).[2][8]
Канструкцыя
Заўвагі
- ↑ З 1959 года заменены ў асноўных аддзелах арміі на АКМ, але застаўся на ўзбраенні некаторых частак
- ↑ а б в Артыкул «Карабин ОП-СКС — жизнь после дембеля» на сайце kalibr.ru
- ↑ Наставление по стрелковому делу. 7,62-мм самозарядный карабин Симонова. 1962 год
- ↑ Наставление по стрелковому делу. 7,62-мм самозарядный карабин Симонова. 1962 год С. 129
- ↑ а б Апісанне СКС на сайце legendary-arms.ru
- ↑ Женщина с ружьем
- ↑ Артыкул Міхаіла Нікольскага «В джунглях Южного Вьетнама» («Техника и вооружение. Вчера, сегодня, завтра» 1997 год) на сайце otvaga2004.narod.ru
- ↑ «Оружие пехоты 97»