Антон Мікітавіч Ясінскі

Антон Мікітавіч Ясінскі
Дата нараджэння	22 верасня (4 кастрычніка) 1864(1864-10-04)
Месца нараджэння	Мяжырыч
Дата смерці	13 лістапада 1933(1933-11-13) (69 гадоў)
Месца смерці	Масква
Грамадзянства	Расійская імперыя Расійская імперыя → СССР
Род дзейнасці	гісторык, славіст
Навуковая сфера	гісторыя
Месца працы	Юр’еўскі ўніверсітэт Q4138510? МДУ Маскоўскі археалагічны інстытут БДУ Інстытут беларускай культуры Інстытут гісторыі НАНБ
Альма-матар	Універсітэт Святога Уладзіміра

Антон Мікітавіч ЯСІ́НСКІ (4 кастрычніка 1864, с. Мяжырыч Канеўскага р-на Чаркаскай вобл., Украіна — 13.11.1933) — расійскі і беларускі гісторык.

Скончыў Кіеўскі ўніверсітэт (1888). У 1896-1911 прафесар Дэрпцкага (Тартускага) ўніверсітэта. У 1911-19 дырэктар Педагагічнага інстытута імя П. Шалапуціна ў Маскве, адначасова прыват-дацэнт, прафесар Маскоўскага ўніверсітэта, у 1920-22 прафесар Маскоўскага археалагічнага інстытута. У 1922-28 прафесар БДУ па кафедры гісторыі сярэдніх вякоў. У 1927-29 загадчык кафедры ўсеагульнай гісторыі Інбелкульта, у 1929-33 у Інстытуце гісторыі Беларускай АН.

Навуковыя працы па сярэдневекавой гісторыі Чэхіі, гісторыі землеўладання на Беларусі ў XV ст. і інш.

Доктар усеагульнай гісторыі (1901). Член Чэшскай АН (1907), акадэмік Беларускай АН (1928).