Салата (страва)

Румынскі салат

Салат (ад італ.: insalata) — халодная страва (у сучаснай кухні сустракаюцца і гарачыя салаты), гатуюць з сумесі гародніны (лісце салаты, розная зеляніна, бульба, грыбы, агуркі, бабы, садавіна і г.д.), прыпраўляюць воцатам, алеем, маянэзам, смятанай, лімонным сокам, соллю, перцам або адмысловымі салатны запраўкамі; падаюць пераважна да смажанага мяса, часам жа ў выглядзе закускі (hors d'oeuvre). Гатуюць салаты звычайна непасрэдна перад падачай да стала.

Звычай есці салат сустракаецца ў рымлян, якім былі вядомыя салаты з эндывія, булёна, аліўкавага алею, цыбулі, мёду і воцату. У Сярэднявеччы салаты рабілі з цыбулі, часнаку, перачнай мяты і пятрушкі.

Салат — страва ў выглядзе сумесі здробненых (нарэзаных, нацёртых і г. д.) разнастайных прадуктаў - напрыклад, сырны салат, які складаецца з цёртага сыру, варанага яйкі і маянэзу або смятаны, які можа не ўтрымліваць гародніны. Селядцовы салат - сумесь нарэзанай гародніны з селядцом (найбольш вядомы «селядзец пад футрам). Як салаты вядомыя таксама рознага роду стравы, якія пераважна робяць з мяса, рыбы, каўбасы, дзічыны, ракаў, кальмараў і інш. з соллю, воцатам і алеем і запраўленыя якім-небудзь пікантным соўсам (маянэз і інш.): гэта так званыя грэчаскі, польскі салаты. Адным з самых папулярных салат гэтага віду з'яўляецца «салат Аліўе».