Хефрэн

Статуя фараона Хефрэна з памінальнага храма пры пірамідзе Хефрэна ў Гізе. Фрагмент. XXVII ст. да н.э.

Хефрэн — егіпецкі фараон IV дынастыі канца XXVII — пач. XXVI ст. да н.э.

Сын ці брат Хеопса. Паводле Герадота, Xефрэн працягваў дэспатычную палітыку Хеопса. Піраміда Хефрэна ў Гізе — другая па велічыні (вышыня 143,5 м), злучана крытым ходам з гранітным храмам у даліне, у якім знойдзены дзве дыярытавыя статуі Xефрэна. У час яго праўлення каля піраміды высечаны са скалы Вялікі Сфінкс.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).