Навагрудскі езуіцкі калегіум

Навагрудскі езуіцкі калегіум - установа ордэна езуітаў у Навагрудку Гродзенскай вобласці. З 1626 місія, з 1631 рэзідэнцыя, у 1714-1773 калегіум.

Сродкі на стварэнне місіі ахвяравалі М. Галаўня я. Машынскі, першы кіраўнік місіі Я. Разнавольскі.

У 17-1 палове 18 ст. драўляныя збудаванні калегіума шмат разоў знішчаліся пажарамі. Каля 1754 пабудаваны мураваны 3-нефавы касцёл, у 1752 - навучальны корпус. Калегіуму падпарадкоўваліся місіі ў Бурдыкаве (Бурдыкоўшчыне?), Варончы, Востраве, Гарадзішчы, Любчы, Мажэйках, Моладаве, Пачапаве, Слоніме, Шчорсах. У 1649 у рэзідэнцыі адкрыты класы граматыкі, у 1653 - паэтыкі і рыторыкі. Пасля пераўтварэння рэзідэнцыі ў калегіум навучальная праграма адпавядала гэтаму тыпу навучальных устаноў, выкладаліся таксама матэматыка, геаграфія, гісторыя, французская мова.

Каля 1680 адкрыта музычная бурса, у 1705 - канвікт (пансіён), у 1721 - аптэка. Была бібліятэка. У 18 стагоддзі колькасць навучэнцаў складала ад 13 да 51 чалавекі. У розны час рэзідэнцыі і калегіуму належала некалькі навакольных маёнткаў.

У 1773 годзе калегіум закрыты, у 1815 касцёл пераабсталяваны пад ратушу.

Літаратура

Рэлігія і царква на Беларусі. — Мн.: БелЭн, 2001. — 368 с.