Двухсхільны дах

Двусхільны або вільчыкавы дах — гэта дах с двума нахіленымі к вонкавым сценам скатамі.

З трох асноўных форм дахаў (1/ адансхільны; 2/ двухсхільны або вільчыкавы; 3/ чатырохсхільны або шатровы) двусхільны лічыцца найлепшым, таму вельмі распаўсюджаны. У такім даху кроквы абапіраюцца адна на адну, кожная пара стаіць асобна і звязваюцца пары крокваў латамі. Ў тарцах дах мае трохвугольныя сцены — франтоны або, інакш, шчыт. Пад дахам усталёўваецца гарышча. Асвятленне ды вентыляцыя гарышчы робіцца пры дапамозе вокнаў ва франтонах і (або) на схілах, якія завуцца дахавымі.

Камбінацыі

Камбінацыя двухсхільнага ды шатровага дахоў утварае паўвальмавы дах, які па зручнасці займае прамежнае становішча паміж двухсхільным і шатровым.

Перасячэннем двух двухсхільных дахоў скаладаецца шматшчытавы дах.

Тыпы двухсхільных дахоў

Дахі з нераўнамернымі вугламі схілаў (што значыць размяшчэннем канька не праз сярэдзіну будынка) і рознай даўжынёй карнізных навісяў ужываюцца калі заказчык жадае падкрэсліць архітэктурную асаблівасць яго жытла. Такая страха, у сенсе дызайна, выглядае даволі арыгінальна, але ж мае недахоп - нерацыянальнасць карыстання гарышчай.

• 
  Дах з рознымі вугламі схілаў

Ламаны шчытавы дах мае рацыю ў тых выпадках, калі ёсць патрэба карыстацца гарышчай у якасці мансарды. У такім выпадку павялічаны аб'ём гарышчы дазваляе лёгка ўсталяваць мансарду, якую звычайна абараняюць ад вільгаці ды ўцяпляюць.

• 
  Ламаны шчытавы дах

Двухсхільны сыметрычны дах грунтуецца на раўнабедраным трохвугольніку. Артадаксальная форма ды непатрабавальнасць падчас будавання зрабілі яе вельмі любай не толькі для прафесійных будаўнікоў, але й для аматараў.

• 
  Двухшчытавы сіметрычны дах

Гл. таксама

• Дах
• Шчыт