Целяханы

Горад Целяханы Мястэчка ў 1932 годзе Краіна Беларусь Вобласць Брэсцкая Раён Івацэвіцкі Каардынаты 52°30′46″ пн. ш. 25°50′32″ у. д. Вышыня цэнтра 152 м Насельніцтва 4,6 тыс. чалавек (2006) Часавы пояс UTC+3 Тэлефонны код +375 1645 Паштовыя індэксы 225275 Аўтамабільны код 1 СААТА 1234855906 Целяханы на карце Беларусі ±

Целяханы на Вікісховішчы

Целяханы — гарадскі пасёлак у Івацэвіцкім раёне Брэсцкай вобласці Беларусі, на Агінскім канале, на аўтадарозе Івацэвічы—Пінск. За 45 км да паўднёвага ўсходу ад г. Івацэвічы, 181 км ад Брэста. Насельніцтва 4,6 тыс. чал. (2006).

Гісторыя

Вядомыя з 16 ст. як вёска ў Пінскам павеце Берасцейскага ваяводства ВКЛ. З 17 ст. мястэчка. Належалі князям Дольскім, Вішнявецкім, у 19 ст. — Пуслоўскім. Эканамічнаму росту мястэчка спрыяла будаўніцтва Агінскага канала. У 1775—1778 М. К. Агінскі заснаваў тут фаянсавую мануфактуру, якая вырабляла дэкаратыўныя вазы, скульптуру малых форм, фрызы і карнізы для камінаў і печаў. Пасля другога падзелу Рэчы Паспалітай у 1793 — у Расійскай імперыі. З 1921 у складзе Польшчы, з 1939 у БССР. З 1956 гарадскі пасёлак.

Эканоміка

Прадпрыемствы лесанарыхтоўчай, дрэваапрацоўчай і харчовай прамысловасці.

Выдатныя мясціны

• Агінскі канал — помнік гідратэхнічнага будаўніцтва
• Целяханская Траецкая царква
• Каталіцкія могілкі з пахаваннямі нямецкіх салдат Першай сусветнай вайны. Таксама тут пахаваны беларускі пісьменнік, уніяцкі святар — айцец Баляслаў Пачопка; маці маршала Канстанціна Ракасоўскага — Антаніна Аўсяннікава.

Вядомыя асобы

• Фёдар Якаўлевіч Юзэфовіч
• Баляслаў Пачопка

Спасылкі

• ГАЗЕТА ДЛЯ ВАС // Целяханы: старонкі 455-гадовай гісторыі