Станіслаў Радзівіл (1559—1599)

Станіслаў Радзівіл
польск.: Stanisław Radziwiłł
С. Радзівіл. Копія XIX ст. з арыгіналу XVI ст.
Герб «Трубы»
Вялікі маршалак літоўскі 1592 — 1595
Папярэднік	Альбрэхт Радзівіл
Пераемнік	Крыштаф Дарагастайскі
Нараджэнне	12 мая 1559(1559-05-12) Лукішкі каля Вільні
Смерць	19 сакавіка 1599(1599-03-19) (39 гадоў) Пасау
Месца пахавання	Касцёл Святых Францыска і Бернарда
Род	Радзівілы
Бацька	Мікалай Радзівіл Чорны
Маці	Альжбета з Шыдлавецкіх
Жонка	Марына з Мышкаў
Дзеці	Станіслаў, Юрый, Мікалай Крыштаф, Альбрэхт Станіслаў
Дзейнасць	палітык
Медыяфайлы на Вікісховішчы

Станіслаў Радзівіл (12 мая 1559, Лукішкі каля Вільні — 19 сакавіка 1599, Пасау) — дзяржаўны і вайсковы дзеяч Вялікага Княства Літоўскага. Маршалак вялікі літоўскі (1592—1595), староста жамойцкі (з 1595).

Апрача вялізных абшараў на Валыні (цэнтр — Алыка), валодаў Нягневічамі ў Новагародскім павеце, Налібокамі ў Менскім павеце і Дунілавічамі ў Ашмянскім павеце. У 1586 ўдзельнічаў у заснаванні 3 радзівілаўскіх ардынацыяў, I ардынат на Алыцы.

Біяграфія

Надмагілле С. Радзівіла

З нясвіжскай лініі роду Радзівілаў, сын Мікалая Чорнага, канцлера вялікага літоўскага, і Альжбеты з Шыдлавецкіх. Меў братоў Альбрэхта, Мікалая Крыштафа і Юрыя, а таксама сясцёр Ганну Магдалену, Крысціну, Соф’ю Агнешку і Альжбету.

Навучаўся ў Нясвіжы пад кіраўніцтвам кальвінісцкіх педагогаў, Лейпцыгу, падарожнічаў у Італію, Іспанію, Партугалію, Францыю. Ведаў 12 моў. У 1574 перайшоў з кальвінізму ў каталіцтва.

У 1580—1581 на чале ўласнага аддзелу ўдзельнічаў у Інфлянцкай вайне (1558—1582). Займаў шэраг высокіх дзяржаўных пасадаў.

Аўтар рэлігійных твораў, перакладаў. Фундаваў касцёлы ў Налібаках, Дунілавічах.

У шлюбе з Марынай з Мышкаў меў дачок Альжбету і Крысціну, а таксама сыноў Станіслава, Юрыя, Мікалая Крыштафа і Альбрэхта Станіслава.

Літаратура

• Радзівіл Станіслаў // Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.