Камуністычная партыя Кубы

Камуністычная партыя Кубы (ісп.: Partido Comunista de Cuba) — палітычная партыя левага кірунку ў Рэспубліцы Куба. Заснавана ў 1925 годзе. У 1926-38 гадах дзейнічала нелегальна, у 1940 годзе злілася з партыяй Рэвалюцыйны саюз, у 1944-65 гадах называлася Народна-сацыялістычная партыя Кубы і інш. У 1940-52 гадах мела прадстаўніцтва ў Кангрэсе і некаторых мясцовых органах улады, у 1940-44 гадах і ў кааліцыйным урадзе. У 1953-59 гадах забаронена. Паводле канстытуцыі 1976 года правячая партыя ў палітычнай сістэме Кубы. Афіцыйны орган ЦК газета «Гранма».

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).