Зора Кіпель

Зора Кіпель
Род дзейнасці	літаратуразнаўца, кнігазнавец, бібліятэкарка, публіцыстка, перакладчыца, літаратар
Дата нараджэння	1 ліпеня 1927(1927-07-01)
Месца нараджэння	Менск, Менская акруга, БССР, СССР
Дата смерці	14 красавіка 2003(2003-04-14) (75 гадоў)
Месца смерці	Нью-Джэрсі, ЗША
Месца пахавання	Беларускія могілкі ў Іст-Брансуіку
Грамадзянства	ЗША
Бацька	Лявон Савёнак
Муж	Вітаўт Кіпель
Дзеці	Алеся Кіпель
Месца працы	Беларуская газета Голас вёскі (1941) Нью-Ёркская публічная бібліятэка
Альма-матар	Беларуская гімназія імя Янкі Купалы Лёвенскі каталіцкі ўніверсітэт Ратгерскі ўніверсітэт
Член у	Саюз беларусаў Бельгіі[d] Амерыканская асацыяцыя славістаў[d] Беларуска-амерыканскае задзіночанне Беларускі інстытут навукі і мастацтва ў Нью-Ёрку Рада БНР

Зора Кіпель, дзяв. Савёнак (1 ліпеня 1927, Мінск — 14 красавіка 2003) — беларуская грамадская дзеячка, літаратуразнавец, публіцыстка. Жонка Вітаўта Кіпеля.

Біяграфія

Нарадзілася ў Мінску ў сям'і Лявона і Апалоніі Савёнкаў. У 1944 г. разам з бацькамі апынулася ў Германіі. Вучылася ў Беларускай гімназіі імя Я. Купалы ў Рэгенсбургу. Скончыла Лювенскі ўніверсітэт (1944, Бельгія) і Ратгерскі ўніверсітэт (ЗША).

Доўгі час працавала ў Публічнай бібліятэцы Нью-Ёрка, ад 1981 г. была загадчыцай Славянскага аддзела. У 1983 г. скончыла літараруразнаўчы факультэт Ратгерскага ўніверсітэта. Была сябрам Беларускага інстытута навукі і мастацтва (БІНіМ), Беларуска-амерыканскага задзіночання (БАЗА), у 1991-95 г. рэдагавала газету «Беларус». Адна са старшынь рэдкалегіі аднаго з першых англійска-беларускіх слоўнікаў.

Аўтарка прац па гісторыі Беларусі, старажытнай літаратуры, асвеце. Выдала на англійскай мове ў сваім перакладзе «Беларускага Трышчана» (Нью-Ёрк; Лондан, 1988). Аўтар шэрагу публікацый па беларусазнаўчай тэматыцы. Разам з мужам сабрала велізарную калекцыю беларускіх і беларусазнаўчых выданняў на Захадзе, якая захоўваецца ў Нью-ёрскай публічнай бібліятэцы і на падставе якой быў створаны бібліяграфічны даведнік «Беларускі і беларусаведны друк на Захадзе», які выйшаў ужо пасля смерці адной з яго складальніц.

Пахавана на Беларусіх могілках у Іст-Брансуіку, штат Нью-Джэрсі.

Літаратура

• Юрэвіч Л. Літаратурны рух на эміграцыі. Мн., 2002.